– قوعامدا جاڭا، ادىلەتتى وزگەرىستەر بولىپ جاتىر. سايلاۋدا مىقتى ازاماتتار مەن ازاماتشالار ب ا ق سىناۋدا. حالىقتىڭ ءسوزىن سويلەپ، مۇڭ-مۇقتاجىن كوتەرىپ جۇرگەن جاندار ءوتىپ جاتسا، اقىرىنداپ جاقسى وزگەرىس بولادى. ەڭ باستىسى، ەۆوليۋسيالىق تۇرعىدان جاڭارۋ بولادى دەپ ويلايمىز. قاتىسىپ جاتقان ادامداردىڭ كوبىن، ازامات رەتىندە، ۇلت جاناشىرى دەپ تانيمىز. بايىپتى پىكىر ايتىپ، قوعامنىڭ وزەكتى ماسەلەسىنە ارالاسىپ جۇرگەن ازاماتتار بارشىلىق. تاعى قايتالاپ وتەيىن، مۇنىڭ ءبارى يگى وزگەرىستىڭ نىشانى دەگەن ويدامىن.
جۇرت قاتارلى ءوز ۇمىتكەرىمىزگە داۋىس بەرۋدى دۇرىس كوردىم. ءوزىم تىركەلگەن №493 سايلاۋ ۋچاسكەسىندە تاڭداۋ جاسادىم. ەندىگى كەزەكتە حالىق ءۇمىت ارتقان سايلانۋشىلاردىڭ ادال ەڭبەك ەتۋىنە تىلەكتەستىك بىلدىرەمىز.
ەل پارلامەنتىنە ۇلتىنا جاناشىر، ەل-جۇرتىنا قامقور ادامدار كەلسە ەكەن. سەبەبى زاڭ قابىلدايتىن ادامدار سولار بولادى. سوندىقتان ءار سالانىڭ ماماندارى پارلامەنت مىنبەرىنەن كورىنىپ، تۇيتكىلدى تارقاتۋعا تىرىسسا دەمەكپىز.