نۇرداۋلەت اقىش، م.و. اۋەزوۆ اتىنداعى ادەبيەت جانە ونەر ينستيتۋتىنىڭ باس عىلىمي قىزمەتكەرى، جازۋشى:
«بۇل ءان بۇرىنعى اننەن وزگەرەك» دەگەندەي، بۇگىنگى ءماجىلىس پەن ءماسليحات دەپۋتاتتارىنىڭ سايلاۋى بۇرىنعى سايلاۋلاردان ءسال وزگەشە ەكەنى قاراپايىم سايلاۋشى رەتىندە بارشامىزدىڭ نازارىمىزدى اۋدارىپ وتىر. «ءسال وزگەشە» دەگەنىمىزدىڭ ءوزى دۇرىس بولماس، اجەپتاۋىر جاڭالىقتارى بار بۇل سايلاۋ دەموكراتيانىڭ كەلەسى اسۋىنىڭ كورىنىسى رەتىندە تاريحىمىزعا جازىلىپ قالار دەپ ۇمىتتتەنەمىز.
وعان سەبەپ بىرىنشىدەن، 2004 جىلدان كەيىن العاش رەت ماجىلىسكە دەپۋتاتتاردىڭ ءبىر ماندات ارقىلى سايلاناتىن بولۋى. پرەزيدەنتتىڭ كەڭەسشىسى ە.ءقاريننىڭ ايتۋىنا قاراعاندا، 98 دەپۋتاتتىڭ 29-ى پارلامەنتتەگى ورنىنا وسىنداي جولمەن قول جەتكىزۋى ءتيىس ەكەن. ودان كەيىنگى ماسەلە – كانديداتتار بۇرىن تەك ساياسي پارتيالاردان جانە مەملەكەتتىك ەمەس ۇيىمداردان عانا ۇسىنىلاتىن بولسا، ءقازىر ۇمىتكەردىڭ ءوزىن-وزى ۇسىنۋ ماسەلەسى زاڭدى تۇردە بەكىتىلدى. بۇل دەگەنىمىز – كانديدات بولعىسى كەلەتىن ەل ازاماتىنىڭ كەڭىستىگىن كەڭەيتۋ دەگەن ءسوز. مۇمكىندىگى شەكتەۋلى جاندارعا جول اشىلىپ وتىر. وسىنىڭ ءبارى سايلاۋ تەتىگىنىڭ بۇرىنعىدان دا جەتىلە تۇسكەنىن بىلدىرەدى. سوندىقتان دا تىركەلگەن ۇمىتكەرلەر سانى ارتتى.
ءبىر اۋىز سوزبەن ايتقاندا، ءبىز ءوزىمىزدىڭ ادىلەتتى قازاقستاننىڭ پارلامەنتىن قايتادان جاساقتايتىن كورپۋستى بايىرعى حالىقتىڭ مۇددەسى تۇرعىسىنان تاڭداپ الۋىمىز كەرەك. مۇمكىندىگىنشە، ەلگە جاناشىرلىق تانىتاتىن ۇمىتكەرلەردى ىرىكتەسەك ەكەن. اينالىپ كەلگەندە، بۇل سايلاۋ ەلىمىزدىڭ بولاشاعىن نىعايتا تۇسۋگە، تاۋەلسىزدىگىن كۇشەيتۋگە جانە حالىقتىڭ ءال-اۋقاتىن جاقسارتۋعا ىقپال ەتەتىن سايلاۋ بولۋى كەرەك.
مەن ءوزىم، مىنە، ناۋرىزباي اۋدانىنداعى №504 سايلاۋ ۋچاسكەسىنە كەلىپ، تاڭداۋىمدى جاساپ وتىرمىن.