دوللاردىڭ تەڭگەگە قاتىستى باعامى تومەندەدى.
قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا، 1 دوللاردىڭ تەڭگەگە قاتىستى باعامى تومەندەدى، دەپ حابارلايدى Almaty-akshamy.kz.
كەشكى ساۋدا-ساتتىق مالىمەتىنە قاراعاندا، دوللار باعامى 3،03 تەڭگەگە تومەندەپ، 1 دوللار 466، 98 تەڭگە بولدى. ايتا كەتەيىك، ۇلتتىق بانكتىڭ 22 جەلتوقسانداعى رەسمي باعامى – 1 دوللار ءۇشىن 470، 28 تەڭگە بولدى.
Kurs.kz مالىمەتىنشە، الماتىداعى اقشا ايىرباستاۋ پۋنكتتەرىندە دوللاردىڭ ساتۋ باعامى – 466،5 تەڭگە، ساتىپ الۋ – 469،5 تەڭگە. ال، استانا قالاسى بويىنشا ساتۋ باعامى – 465،8 تەڭگەدەن بولسا، ساتىپ الۋ – 468،8. رەسەي ءرۋبلى 6،25 – 6،44 تەڭگە ارالىعىندا ساۋدالانىپ جاتىر. ق ر ۇلتتىق بانكىنىڭ دەرەگىنە سايكەس، 22 جەلتوقسان كۇنى رەسەي ءرۋبلىنىڭ ورتاشا سارالانعان باعامى – 6،66 تەڭگە بولدى.