ەلشىلەر ۇلكەن كەڭسەلەردىڭ باسشىلارىمەن تىكەلەي سويلەسەدى.
سىرتقى ىستەر مينيسترلىگىنىڭ وكىلى امەريكاندىق Apple كورپوراسياسىمەن جانە شۆەسيانىڭ IKEA جيھاز جانە ءۇي تاۋارلارىن ساتۋ جونىندەگى كومپانياسىمەن جۇرگىزىلىپ جاتقان كەلىسسوزدەر جايىندا ايتتى، دەپ حابارلايدى Almaty-akshamy.kz.
«ءبىزدىڭ ەلشىلەر ۇلكەن كەڭسەلەردىڭ باسشىلارىمەن تىكەلەي سويلەسەدى. ءار برەندپەن جەكە كەلىسسوزدەر جۇرگىزىلۋدە. ەگەر Apple تۋرالى ايتاتىن بولساق، بۇل كومپانياعا قازاقستاندا ءوندىرىس ۇسىنۋ، مەنىڭ ويىمشا، قيسىنسىز»، - دەدى سىرتقى ىستەر ءمينيسترىنىڭ ورىنباسارى الماس ايداروۆ وكق بريفينگىندە.
ونىڭ ايتۋىنشا، قازاقستاندا سمارتفوندار ءوندىرىسى بويىنشا باسەكەلەستىك ارتىقشىلىقتار جوق.
«الماتىدا Apple-دىڭ ساۋدا جونىندەگى رەسمي وكىلدىگىن اشۋ بويىنشا كەلىسسوزدەر جۇرگىزىلۋدە. Apple بىزگە مۇنداي دەڭگەيدەگى ماسەلەلەردى شەشۋ ءۇشىن شامامەن 3-4 جىل قاجەت ەكەنىن ايتتى. ءبىراق بۇل جۇمىس باستالىپ كەتتى»، - دەپ ءتۇسىندىردى ايداروۆ.
سونداي-اق ءسىم وكىلى جيھاز جانە ءۇي تاۋارلارىن ساتاتىن IKEA كومپانياسىنىڭ قازاقستانعا كوشۋى تۋرالى ماسەلەگە تۇسىنىكتەمە بەردى.
«ولار ءبىزدىڭ نارىقتى بىرنەشە رەت قاراستىردى. ءبىراق كومپانيا رەسەيدەگى اكتيۆتەرىن تاستاۋ ءتيىمدى ەمەس دەپ ويلايدى. بۇعان دەيىن IKEA رەسەيدە كوپتەگەن اكتيۆتەردى ساتىپ العان ەدى»، - دەپ قوستى سپيكەر.