ەر ادام ءوزىنىڭ كىناسىن مويىندادى.
ول رەسەيلىك جولاۋشىنى الماتى اۋەجايىنان ماركوۆ كوشەسىنە اپارىپ تاستاعانى ءۇشىن 400 ەۋرو العان، دەپ حابارلايدى Almaty-akshamy.kz
وسى جىلدىڭ 3 مامىرىندا ساعات 17.00-دە الماتى قالاسىنىڭ اۋەجايىنداعى جەلىلىك پوليسيا ءبولىمىنىڭ كەزەكشى بولىمىنە رەسەي فەدەراسياسىنىڭ 30 جاستاعى ازاماتى ارىزدانىپ، الماتى قالاسى اۋەجايىنىڭ تاكسي جۇرگىزۋشىسىنە قاتىستى شارا قابىلداۋدى سۇراعان.
جەدەل ىزدەستىرۋ ءىس-شارالارى بارىسىندا ارىز بەرۋشىنى دىتتەگەن جەرىنە جەتكىزىپ تاستاعان "مەرسەدەس-بەنس" اۆتوكولىگى مەن ونىڭ يەسى انىقتالدى.
جاۋاپ الۋ كەزىندە ەر ادام ءوزىنىڭ كىناسىن مويىنداپ، رەسەيلىك ازاماتقا اقشالاي قاراجاتتى تولىق كولەمدە قايتارىپ بەردى.
وسى فاكت بويىنشا قۇقىق بۇزۋشىعا قاتىستى ق ر اقبتك-نىڭ 449-بابى 2-تارماعى بويىنشا اكىمشىلىك حاتتاما تولتىرىلدى.
الماتى قالاسىنىڭ مامانداندىرىلعان اكىمشىلىك سوتىنىڭ شەشىمىمەن ەر-ازاماتقا 21 150 تەڭگە كولەمىندە ايىپپۇل سالىندى.