انشىلەر وزدەرى ءۇشىن بۇل ۇلكەن مارتەبە ەكەنىن ايتتى.
Ninety One مۇشەلەرى بالالار قۇقىعىن قورعاۋ جانە ناسيحاتتاۋمەن اينالىساتىن الەمدەگى تانىمال تۇلعالاردىڭ قاتارىنا قوسىلدى، دەپ حابارلايدى Almaty-akshamy.kz
"يۋنيسەف ءبىزدىڭ ەلدە عانا ەمەس، بۇكىل الەمدە ۇلكەن جۇمىس اتقارىپ كەلەدى جانە ءبىز بۇل جۇمىسقا قولداۋ كورسەتۋ مۇمكىندىگىنە يە بولعانىمىزعا وتە قۋانىشتىمىز. مۋزىكا ادامداردى جاقىنداستىرادى. وسى رەتتە ءبىز دە مۋزىكامىزدىڭ كومەگىمەن ادامداردىڭ جۇرەگىنە جول تاۋىپ، ساناسىن قوزعاپ، قازاقستان بالالارىن مازالايتىن ماڭىزدى ماسەلەلەردى ايتا الامىز دەپ ۇمىتتەنەمىز"، - دەدى توپ مۇشەلەرىنىڭ ءبىرى.
يۋنيسەف-تىڭ قازاقستانداعى ىزگى نيەت ەلشىلەرى رەتىندە بۇل توپ بالالاردىڭ ونلاين جانە وفلاين رەجيمىندە كەزدەسەتىن ءتۇرلى قيىندىعى تۋرالى قوعامنىڭ حاباردارلىعىن ارتتىرۋعا كومەكتەسەدى. بۇل رەتتە ينتەرنەتتەگى پسيحيكالىق دەنساۋلىق پەن قاۋىپسىزدىك ماسەلەسىنە ەرەكشە نازار اۋدارىلماق. توپ مۇشەلەرى بالالاردىڭ قۇقىعىن قورعاۋ ءۇشىن بۇقارالىق اقپارات قۇرالدارىن پايدالانىپ، ولار ارقىلى جاستاردى تولعاندىراتىن ماسەلەلەرگە دە نازار اۋدارماق.