ءتىنتۋ بارىسىندا ءۇش ەر ادام ۇستالدى.
ۇستالعانداردىڭ ءبىرى الماتى قالاسىنىڭ، قالعان ەكەۋى ىلە اۋدانىنىڭ تۇرعىنى ەكەنى بەلگىلى بولدى، دەپ حابارلايدى Almaty-akshamy.kz.
ولار قونايەۆ قالاسىنان بەس شاقىرىم جەردە قورشالعان اۋماقتا ەشكىم تۇرمايتىن ەكى ۇيدە جاسىرىن ەسىرتكى زەرتحاناسىن ۇيىمداستىرعان.
اتالعان جەردە مەفەدرون وندىرەتىن ارنايى قوندىرعىلار ورناتىلعانى انىقتالدى. تەكسەرۋ بارىسىندا كوپتەگەن پلاستيكالىق ىدىس پەن ۇنتاق ءتارىزدى زات جانە ارنايى ولشەگىش قۇرالدار تابىلدى.
تابىلعان زاتتار اراسىنان 52،82 گرامم ۇنتاقتىڭ زەرتحانالىق تەكسەرۋ بارىسىندا مەفەدرون ەكەنى انىقتالدى. سونداي-اق 2 تونناعا جۋىق حيميالىق سۇيىقتىق تاركىلەندى.
«ق ر قك 297 بابى بويىنشا تەرگەۋ امالدارى جۇرگىزىلۋدە. كۇدىكتىلەردىڭ ءبىرى قاماۋعا الىنىپ، قالعان ەكەۋىنەن مىندەتتى كەلۋ تۋرالى قولحات الىندى»، - دەلىنگەن الماتى وبلىستىق پوليسيا دەپارتامەنتىنىڭ اقپاراتىندا.