بۇل پرەزيدەنتتىڭ تاپسىرماسى.
قونايەۆتا «اكادەميالىق قالاشىق» قۇرىلۋى مۇمكىن، دەپ حابارلايدى Almaty-akshamy.kz
مەملەكەت باسشىسى الماتى وبلىسىنا ساپارى بارىسىندا قونايەۆتا اكادەميالىق قالاشىق قۇرۋ ماسەلەسىن قاراستىرۋدى تاپسىردى.
پرەزيدەنتتىڭ ايتۋىنشا، قونايەۆ ءعىلىم-بىلىم ورتالىعىنا جانە ستۋدەنت جاستاردىڭ قالاسىنا اينالۋى كەرەك. ءقازىر جوعارى وقۋ ورىندارىنىڭ كوبى الماتىدا ورنالاسقان.
«بۇل حالىق ونسىز دا تىعىز قونىستانعان قالانىڭ احۋالىنا ءوز اسەرىن تيگىزەدى. وندا كولىك كەپتەلىسى كوپ. جاتاقحانا جانە قولجەتىمدى باسپانا تاپشىلىعى بار. شاھاردىڭ اۋاسى دا لاستانىپ بارادى. وسىنىڭ ءبارىن ەسكەرە وتىرىپ، قونايەۆتا «اكادەميالىق قالاشىق» قۇرۋ ماسەلەسىن قاراستىرعان ءجون دەپ سانايمىن. ءىرى قالالاردىڭ جانىنان يننوۆاسيالىق ورتالىق قۇرعان ەلدەر از ەمەس. ۇكىمەت بۇل ماسەلە بويىنشا جاڭا جىلعا دەيىن ناقتى ۇسىنىس بەرۋى كەرەك»، - دەدى پرەزيدەنت.