بۇل تۋرالى قارجى نارىعىن رەتتەۋ جانە دامىتۋ اگەنتتىگى حابارلادى.
قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگىنىڭ 2022 جىلدىڭ باسىنان باستاپ كوللەكتورلىق اگەنتتىكتەردىڭ قىزمەتىن رەتتەۋ مەن باقىلاۋدى جۇزەگە اسىرۋى شەڭبەرىندە كوللەكتورلىق اگەنتتىكتەردىڭ تىزىلىمىنەن 31 كوللەكتورلىق اگەنتتىك شىعارىلدى، دەپ حابارلايدى Almaty-akshamy.kz Inbusiness.kz cىلتەمە جاساپ
تىزىلىمنەن شىعارۋعا:
26 كوللەكتورلىق اگەنتتىك بويىنشا: كوللەكتورلىق اگەنتتىكتىڭ ءوز قىزمەتىن ەرىكتى تۇردە توقتاتۋ تۋرالى شەشىمى ("كوللەكتورلىق قىزمەت تۋرالى" قازاقستان رەسپۋبليكاسى زاڭىنىڭ 9-بابى 1-تارماعىنىڭ 8-تارماقشاسىنا سايكەس)؛
5 كوللەكتورلىق اگەنتتىك بويىنشا: كوللەكتورلىق اگەنتتىكتەردىڭ تىزىلىمىنە ەنگىزىلگەن كۇننەن باستاپ قاتارىنان كۇنتىزبەلىك ون ەكى اي ىشىندە كوللەكتورلىق قىزمەتتى جۇزەگە اسىرماۋى نەگىز بولدى.
"تىزىلىمنەن شىعارۋ تۋرالى حابارلامانى العان ساتتەن باستاپ كوللەكتورلىق اگەنتتىكتەرگە بەرەشەكتى ءوندىرىپ الۋ تۋرالى جاڭا شارتتار جانە بانكتىك قارىز شارتتارى جانە ميكروكرەديت بەرۋ تۋرالى شارتتار بويىنشا كوللەكتورلىق اگەنتتىككە قۇقىقتىڭ ءوتۋ تالاپتارىن قامتيتىن شارتتار جاساسۋعا تىيىم سالىنادى"، – دەپ حابارلادى قارجى نارىعىن رەتتەۋ جانە دامىتۋ اگەنتتىگى.
سانكسيالار قولدانىلعان كوللەكتورلىق اگەنتتىكتەر بويىنشا بارىنشا جان-جاقتى اقپاراتپەن مىنا سىلتەمە بويىنشا تانىسۋعا بولادى: "كوللەكتورلىق اگەنتتىكتەر".