سوڭعى 25 جىلدا قازاقستاننان شەتەلدىك وفشورلارعا شامامەن 140-160 ميلليارد اقش دوللارى شىعارىلعان
قارجىلىق مونيتورينگ اگەنتتىگىنىڭ ءتوراعاسى جانات ەليمانوۆ ەلدەن قولما-قول ۆاليۋتانى زاڭسىز شىعارۋعا قاتىستى پىكىر ءبىلدىردى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«مۇددەلى قىزمەتتەرمەن بىرلەسىپ قولما-قول ۆاليۋتانى زاڭسىز اكەتۋگە باقىلاۋ كۇشەيتىلدى، 4،9 ملن اقش دوللارى سوماسىنا 36 فاكت انىقتالدى»، - دەدى ج. ەليمانوۆ دەپۋتاتاتتىق ساۋالعا جاۋاپ بەرە وتىرىپ.
ونىڭ ايتۋىنشا، كاپيتالدىڭ ەلدەن اكەتىلۋى تۋرالى ماسەلەنى قاراۋ كەزىندە كاسىپكەرلەردىڭ ادەتتەگى ىسكەرلىك بەلسەندىلىگىمەن نەمەسە ەلدەگى ەكونوميكالىق جاعدايمەن بايلانىستى كاپيتالدىڭ اكەتىلۋىن، سونداي-اق كوبىنەسە قىلمىستىق قىزمەتپەن بايلانىستى كاپيتالدىڭ زاڭسىز شىعارىلۋىن اجىراتۋ قاجەت.
«قازىرگى ۋاقىتتا وفشورلاردى يەلەنۋ قازاقستاندىق زاڭناماعا قايشى كەلمەيدى. سىرتقى ەكونوميكالىق قىزمەت اياسىندا ەلدەن تىس جەرلەرگە اقشا اۋدارۋدىڭ كوپتەگەن زاڭدى نەگىزدەرى بار، مىسالى، رەزيدەنت ەمەس قۇرىلتايشىلارعا ديۆيدەندتەر تولەۋ تۇرىندە. ءبىرقاتار كاسىپورىندار ءوز قىزمەتىنىڭ سيپاتىنا قاراي شەتەلدىك بانكتەرگە اقشا ورنالاستىرادى»، - دەدى اگەنتتىك باسشىسى.
بۇعان دەيىن حابارلانعانداي، جانات ەليمانوۆ بيىل قازاقستاننان شەتەلگە اۋارىلعان قاراجاتتىڭ سوماسى 30 پايىزعا از بولعانىن ايتتى. ايتا كەتەيىك، بيىل اقپان ايىنىڭ باسىندا ءماجىلىس دەپۋتاتتارى قاڭتارداعى قايعىلى وقيعالار كەزىندە قازاقستاننان شەتەلگە قانداي كولەمدە قارجى شاعارىلعانىن انىقتاۋ ءۇشىن ساۋال جولداعان بولاتىن. بۇل دەپۋتاتتىق ساۋالدا سوڭعى 25 جىلدا قازاقستاننان شەتەلدىك وفشورلارعا شامامەن 140-160 ميلليارد اقش دوللارى شىعارىلعانى اتاپ وتىلگەن.