جول اپاتى سالدارىنان تاعى 26 ادام زارداپ شەكتى
ورتالىق تۇركيادا تۋريستەر مىنگەن اۆتوبۋس جول اپاتىنا ءتۇسىپ، كەم دەگەندە بەس ادام قازا تاپتى، دەپ حابارلايدى Almaty-akshamy «A Haber» تەلەارناسىنا سىلتەمە جاساپ.
تەلەارنانىڭ مالىمەتىنشە، جول اپاتى سالدارىنان 26 ادام زارداپ شەككەن. ءتۇرلى جاراقات العان ادامدار جاقىن ماڭداعى اۋرۋحانالارعا جەتكىزىلگەن.
جول اپاتى كەزىندە اۆتوبۋس تاس جولدان شىعىپ كەتىپ، اۋدارىلىپ قالعان. اپات اقساراي مەن كونيا ەلدىمەكەندەرىنىڭ ارالىعىندا بولعان.
ايتا كەتسەك، وتكەن جىلدىڭ قازان ايىندا تۇركيانىڭ وڭتۇستىگىندەگى انتاليا قالاسى ماڭىندا تۋريستەر مىنگەن تاعى ءبىر اۆتوبۋس اۋدارىلعان ەدى. ول كەزدە جۇرگىزۋشى كولىككە يە بولا الماي قالىپ، جول ورتاسىن ءبولىپ تۇرعان بوگەتتى قاعىپ ءوتىپ، قارسى بەتكە شىعىپ بارىپ اۋدارىلىپ قالعان بولاتىن.