ەگيپتولوگ پيراميدالاردىڭ سالىنۋ قۇپياسىن اشتى

رەسەيلىك ەگيپتولوگ ورەحوۆ پيراميدانى سالۋ كەزىندە ادامدار پاندۋستار مەن جوعارى كوتەرىلىپ وتىراتىن سالداردى پايدالانعانىن ايتتى

مىسىرلىقتار 150 جىل بويى پيراميدانى تۇرعىزدى، بۇل قۇرىلىمدار الەۋمەتتىك ماڭىزى بار جۇمىستاردى جۇزەگە اسىرۋ ءۇشىن قوعامدى توپتاستىرۋدىڭ جارقىن مىسالى بولىپ تابىلادى. بۇل تۋرالى رعا-نىڭ ەگيپتولوگيا زەرتتەۋ ورتالىعىنىڭ عىلىمي قىزمەتكەرى رومان ورەحوۆ lenta.ru سايتىنا بەرگەن سۇحباتىندا ايتتى، دەپ حابارلايدى Almaty-akshamy.kz.

سونىمەن قاتار ول وسى كۇنگە دەيىن ساقتالعان ەسكەرتكىشتەردىڭ قانداي تاسىلمەن جاسالعانىن ايتتى. عالىمنىڭ ايتۋىنشا، مىسىرلىقتار وزدەرىنىڭ قۇرىلىس تەحنولوگياسىندا پاندۋستار مەن جوعارى كوتەرىلىپ وتىراتىن سالداردى پايدالانعان.

ماڭگىلىك

ەڭ باستىسى پيراميدالار وسى كۇنگە دەيىن ساقتالعان، ويتكەنى مىسىرلىقتار «دجەد» - پاپيرۋس ءتارىزدى باعان ۇعىمىن ماڭگىلىك يدەيا رەتىندە قارادى جانە ول تىگىنەن تۇرۋ كەرەك بولدى. ول وسيريس قۇدايىنىڭ سيمۆولى دەپ سانالدى ءارى تۇراقتىلىقتى، بەرىكتىك پەن مىزعىماس مىقتىلىقتى ءبىلدىردى، دەيدى عالىم.
ورەحوۆتىڭ ايتۋىنشا، مىسىرلىقتار ءۇشىن كۇشتى جانە تۇراقتى قۇرىلىمدى قۇرۋ ماڭىزدى بولدى، ويتكەنى مونۋمەنتتىڭ قالاي تۇراتىنى وسى دۇنيەنىڭ قالاي ساقتالاتىنىنا بايلانىستى دەپ تانىلدى.

ماتەريال

مىسىرلىقتار ءۇشىن قۇرىلىس كونسترۋكسيالارى ءۇشىن ماتەريال تاڭداۋ قيىن بولعان جوق، دەيدى عالىم.
«مىسىرلىق سانا تاس داۋىرىمەن بايلانىستى. ال، تاس ءداۋىرى ءبىر شەشىمدى ۇسىنادى – ول تاستان سالۋ. تاس تەك تۇراقتىلىق يدەياسى عانا ەمەس، سونىمەن بىرگە ەڭ قولجەتىمدى بولدى - مىسىرلىقتار تەمىردى بىلمەدى جانە ولاردىڭ بالشىقتارى از بولدى»،-دەيدى عالىم.