امەريكالىق زەينەتكەر الەمدى ءۇش جىل بويى شارلايتىن كرۋيزگە بارۋدى ارمانداپ، تۋر ساتىپ الدى. ول ءۇشىن ءۇيىن ساتتى. الايدا كرۋيز ورىندالمايتىن بولدى. بۇل تۋرالى Daily Star باسىلىمى جازادى، - دەپ حابارلايدى اlmaty-akshamy.kz. .
2023 جىلدىڭ قاراشا-جەلتوقسان ايلارىندا ىستامبۇلدان شىعىپ، ءۇش جىلدا 135 ەلگە ساپار شەگۋى ءتيىس MV Gemini كرۋيزدىك كەمەسىمەن الەم بويىنشا العاشقى ءۇش جىلدىق ساياحات بولۋى كەرەك ەدى.
فلوريدالىق (اقش) زەينەتكەر وتكەن قىستا كەمەنىڭ جەتىنشى قاباتىنداعى بالكونى بار ەڭ ءساندى پاتەرلەردىڭ بىرىنە تاپسىرىس بەردى. ول كرۋيز كەزىندە جاڭا دوس تاۋىپ، ساياحات وعان الەۋمەتتىك ورتالىققا اينالادى دەپ ۇمىتتەنگەن. تۋر وعان 29،9 مىڭ دوللارعا (قازىرگى باعام بويىنشا 13،7 ملن تەڭگە) ءتۇستى جانە بۇل ونىڭ جىلجىمايتىن مۇلكىن ساتۋدان تۇسكەن اقشانىڭ جارتىسى.
كرۋيز كومپانياسىنىڭ يەسى ۆەدات ۋگۋرلۋ تۋريستەردەن كەشىرىم سۇراپ، كۇردەلى ساياسي جاعدايعا بايلانىستى ءجۇزۋدىڭ كەلەسى جىلعا شەگەرىلگەنىن حابارلادى. بۇل شەشىم اقشاسىن ارمانداعان ساپارعا سالعاندار ءۇشىن قارجىلاي قيىندىقتار تۋعىزدى.