اۋا رايىنا بايلانىستى 5G بازالىق ستانسالارىن ورناتۋ مەرزىمى كەيىنگە شەگەرىلۋى مۇمكىن. بۇل تۋرالى سيفرلىق دامۋ، يننوۆاسيالار جانە اەروعارىش ءمينيسترى باعدات مۋسين ايتتى، دەپ حابارلايدى اlmaty-akshamy.kz.
«بازالىق ستانسالاردى ورتاتۋمەن بايلانىس وپەراتورلارى انيالىسادى. مينيسترلىك راديوجيلىكتەردى بەردى جانە ليسەنزيالىق مىندەتتەمەلەردىڭ ورىندالۋىنا باقىلاۋ جاسايدى. بايلانىس وپەراتورلارى العان ليسەنزيالىق وپەراتورلار وسى جىلعا ورىندالدى جانە 700-دەن استام بازالىق ستانسا ورناتىلدى. دەگەنمەن، وپەراتورلاردىڭ جوسپارى بويىنشا شامامەن 1 مىڭ بازالىق ستانسا بولاتىن. قازىرگى ۋاقىتتا وپەراتورلار جۇمىس ىستەپ جاتىر. الايدا، اۋا رايى جاعدايىنا بايلانىستى مەرزىمى ازداپ كەيىنگە ىسىرىلۋى مۇمكىن»، - دەدى باعدات مۋسين ۆەدومستۆودان وتكەن بريفينگتە اگەنتتىك ءتىلشىسىنىڭ ساۋالىنا وراي.
ونىڭ اتاپ وتۋىنشە، كەلەسى جىلى بازالىق ستانسالاردى ورناتۋ قارجىلى جەدەلدەتىلۋى ءتيىس.
«ءاربىر بازانىڭ تاساسىندا بريگادالار تۇر. ولار ايازعا قاراماستان بارىپ، كەلىسىپ ءجۇر. جالپى، نەگىزگى پروبلەما بريگادالاردا ەمەس. نەگىزگى پروبلەمالار – بازالىق ستانسا ورناتىلاتىن ورىندى تابۋ، تۇرعىندارمەن كەلىسۋ، ورناتۋعا رۇقسات الۋ. مەنىڭشە، بايلانىس وپەراتورلارى كەلەسى جىلى بازالىق ستانسالاردى جوعارى قارقىنمەن ورناتۋى ءتيىس»، - دەدى مينيستر.