قولداۋلار جەتكىلىكتى، مۇمكىندىكتەر كوپ
الماتى قالاسىنىڭ اكىمى باقىتجان ساعىنتايەۆتىڭ 25 ماۋسىمداعى تىكەلەي ەفيردە وتكەن بريفينگىنە قالا تۇرعىندارى پىكىر ءبىلدىرىپ جاتىر. سولاردىڭ ءبىرى - الماتى قالاسى قوعامدىق كەڭەسىنىڭ مۇشەسى قازبەك شايح، دەپ حابارلادى Almaty-akshamy.kz.
«قالا تۇرعىندارىنىڭ ءال-اۋقاتى، الەۋمەتتىك جاعدايى كۇن ساناپ جاقسارىپ كەلەدى. وسى ورايدا كورسەتىلىپ جاتقان الەۋمەتتىك كومەكتەردىڭ ماڭىزى وتە زور. شاھار باسشىسى ءبىزدىڭ دە، تۇرعىنداردىڭ دا پىكىرىمەن ساناسىپ وتىر. جالپى تۇرعىنداردىڭ جاعدايىن تۇراقتى ەتۋ ءۇشىن ەكونوميكالىق قاۋىمداستىقتاردى دامىتۋىمىز كەرەك. تەك قالا بيلىگى ەمەس، تۇرعىنداردىڭ تاراپىنان دا تالپىنىستار بولسا، ءبىزدىڭ الار اسۋىمىز كوپ. 2 ملن حالقى بار مەگاپوليستى باسقارۋ وڭاي ەمەس. ەگەر تۇرعىنداردىڭ باستاماسىنا سايكەس، ەكونوميكالىق قولداۋ كورسەتىلەتىن بولسا، كوپتەگەن الەۋمەتتىك ماسەلەلەر وڭاي شەشىلەدى. ويتكەنى، ءبىر ادامنىڭ ماسەلەسى شەشىلسە، ءبىر وتباسىنىڭ جاعدايى ءتاۋىر دەگەن ءسوز. ال ءبىر وتباسى باقىتتى بولسا، ەشتەڭەدەن تارىقپاي، ماتەريالدىق جاعدايى جاقسى بولسا، ەلىمىزدىڭ ەكونوميكاسىنىڭ دا وڭ كورسەتكىشى بولىپ تابىلادى. تۇرعىندار مۇمكىندىكتى پايدالانا بىلسە، جايلى ءومىر ءسۇرۋ ءۇشىن قولداۋ دا، كومەك تە جەتكىلىكتى. قالا باسشىلىعى دا وسى ەكى تاراپتىڭ تالاپ-تىلەگىن ەسكەرە وتىرىپ ارەكەت ەتىپ جاتقانى ءمالىم»، - دەدى الماتى قالاسى قوعامدىق كەڭەسىنىڭ مۇشەسى قازبەك شايح.