الماتى كۆي بويىنشا «قىزىل» ايماقتا، اكىمدىك قانداي شارالار قابىلدادى؟

الماتىدا كوروناۆيرۋس دەرتىنىڭ كوبەيۋى ينفەكسيانىڭ ۋشىعۋىمەن ءارى جاڭا «دەلتا» شتاممىنىڭ تەز تاراۋىمەن بايلانىستى.

سوندىقتان قالا تۇرعىندارىنىڭ جۇقتىرۋىنا جول بەرمەۋ بويىنشا كۇشەيتىلگەن شارالار قابىلدانۋدا، دەپ حابارلايدى Almaty-akshamy.kz.

2021 جىلى 26 ماۋسىمدا قازاقستان ايماعىندا ەپيدەميولوگيالىق جاعدايدى باعالاۋ ماتريساسىنا سايكەس، الماتى 5 كۇندىك «سارى» ايماقتان «قىزىل» ايماققا ءوتتى. قالادا ءبىر تاۋلىك ىشىندە 217 كوروناۆيرۋسپەن سىرقاتتانۋ جاعدايى انىقتالدى.

قالادا مونيتورينگتىك توپتاردىڭ بەلسەندى جۇمىسى جالعاسۋدا، 2 856 رەيد جۇرگىزىلدى، 26 938 نىسان قامتىلدى، كارانتيندىك شەكتەۋلەردى بۇزعان 2 410 (9%) نىسان انىقتالدى.

سونداي-اق الماتىدا قوعامدىق ورىنداردا كارانتيندىك شارالار كۇشەيتىلدى. ساياباقتارعا، سكۆەرلەرگە، حايۋاناتتار باعىنا، قالا بازارلارىنىڭ كىرەبەرىسىندە بەتپەردە ساتۋ مەن قاۋىپسىزدىك شارالارى تۋرالى دىبىستىق حابارلاۋ ۇيىمداستىرىلۋدا، سانيتارلىق پاترۋلدەردىڭ جۇمىسى كۇشەيتىلدى.

قالاداعى ەپيدەميولوگيالىق جاعدايدى تۇراقتاندىرۋ ماقساتىندا تۇرعىنداردى ۆاكسينالاۋ قارقىنى دا ارتتى.

26 ماۋسىمدا الماتىدا 413 703 ادام ۆاكسينا الدى. الدىڭعى تاۋلىك ىشىندە 10 725 ادام ۆاكسينالاندى. 60 جاستان اسقان ۆاكسيناسيالانعان ادامداردىڭ جالپى سانى - 59 590.

قالادا مەديسينالىق ۇيىمداردا، مەكتەپتەردە، مادەنيەت، سپورت نىساندارىندا، بازار مەن قالانىڭ سوسو-دا 208 ۆاكسينا پۋنكتتەرى جۇمىس ىستەيدى (250-گە دەيىن ۇلعايتۋ مۇمكىندىگىمەن). 1 256 ادام جۇمىلدىرىلعان 307 ەكپە بريگاداسى قىزمەت اتقارادى.

بەتپەردە رەجيمىن، الەۋمەتتىك قاشىقتىقتى قامتيتىن كارانتيندىك شارالاردى قاتاڭ ساقتاۋ، سونداي-اق كوپشىلىك جينالاتىن ورىندارعا بارماعان ءجون. دەنساۋلىقتى قورعاۋدىڭ جالعىز جولى — ۆاكسينا الۋ.