بەرىلىس قورابىن جوندەۋشى njcar.ru پورتالىنا اۆتوماتتى بەرىلىس قورابى (اكپپ) بار كولىكتە قول تەجەگىشىن پايدالانۋ قاجەت پە ەكەنىن ءتۇسىندىردى، - دەپ حابارلايدى اlmaty-akshamy.kz.
اۆتوماتتى بەرىلىس قورابى بار اۆتوموبيلدەردىڭ يەلەرى كوبىنە قول تەجەگىشىن پايدالانبايدى. ولار تۇراق رەجيمى (ر) قول تەجەگىشىمەن بىردەي فۋنكسيالاردى ورىنداي الاتىنىنا سەنىمدى. الايدا ساراپشى باسقاشا ويلايدى.
اۆتوماتتى بەرىلىس قورابىنداعى «تۇراق» رەجيمى بەرىلىس قورابىنىڭ شىعىس بىلىگىنىڭ اينالۋىن ءتىستى دوڭگەلەك (شەستەرنا) پەن «تىرەكتەن» تۇراتىن ارنايى مەحانيزم ارقىلى بۇعاتتايدى. بۇل مەحانيزم اۆتوموبيل ىشىندەگى بەرىلىس قورابى سەلەكتورى ارقىلى ىسكە قوسىلادى. رەدۋكتوردى اۋىستىرۋ تۇتقاسى P (تۇراق) كۇيىنە جىلجىتىلعاندا، ارنايى تۇيرەۋىش بەرىلىس قورابىنداعى ءتىستى دوڭگەلەكتەرگە كيىلىپ بەكىتىلەدى.
ال تۇراق تەجەگىشى، نەگىزىنەن دوڭعالاقتى كولودكالار ارقىلى قىسىپ، ءاۆتوموبيلدىڭ دوڭگەلەكتەرىن تىكەلەي بۇعاتتايدى.
وسىعان سۇيەنە وتىرىپ، قول تەجەگىشى ءاۆتوموبيلدى ورنىندا سەنىمدىرەك ۇستايتىنى انىق. بۇل اسىرەسە كولىك ەڭىسكە قاراپ تۇرعاندا وتە ماڭىزدى. مۇنداي جاعدايدا قول تەجەگىشتى قولدانباساڭىز، تەك اۆتوماتتى بەرىلىس قورابىنداعى مەحانيزم عانا ۇستايدى. ناتيجەسىندە، بەرىلىس قورابىنىڭ بۇزىلۋىنا اكەلۋى مۇمكىن.
قول تەجەگىشى كولىك قۇرالىنىڭ قاۋىپسىزدىك جۇيەسىنىڭ ماڭىزدى ەلەمەنتى بولىپ تابىلادى. بۇل اۆتوماتتى بەرىلىس قورابى ىستەن شىققان جاعدايدا دا كولىكتى ورنىندا ۇستاۋعا كومەكتەسەدى. سوندىقتان اۆتوماتتى بەرىلىس قورابى بار كولىك جۇرگىزۋشىلەرى مىندەتتى تۇردە قول تەجەگىشتى قولدانۋى كەرەك، دەپ تۇيىندەدى ساراپشى.