بۇدان بۇرىن ۇقك ءتوراعاسىنىڭ ورىنباسارى رۋسلان سەيسەمبايەۆ كەسەنەنى تەرروريستەر جارىپ جىبەرمەك بولعانىن ايتقان.
تۇركىستان وبلىسىنىڭ اكىمى دارحان ساتىبالدىنىڭ مالىمدەۋىنشە، قوجا احمەت ياسساۋي كەسەنەسى ارنايى كۇزەت قىزمەتىنىڭ باقىلاۋىنا وتەدى، دەپ حابارلايدى Almaty-akshamy.kz
ۇقك ءتوراعاسىنىڭ ورىنباسارى رۋسلان سەيسەمبايەۆتىڭ ايتۋىنشا، بۇگىندە قازاقستاندا تەرروريستىك ءقاۋىپ ءالى دە ارتىپ وتىر. جىل سايىن كەم دەگەندە ەكى تەرروريستىك شابۋىل جاسالىپ تۇرادى.
بۇگىن دارحان ساتىبالدى كەسەنەنىڭ قاۋىپسىزدىگى ءقازىر ۇكىمەت دەڭگەيىندە تالقىلانىپ جاتقانىن ايتتى. ونىڭ سوزىنشە، «كەپىلدىكتى ەشقاشان ەشكىم بەرە المايدى».
«كىم نە ويلاپ جۇرگەنىن ەشكىم بىلمەيدى. ونداي وقيعا اقپان ايىندا ورىن الدى. مەن ونى ءوزىم دە ب ا ق ارقىلى ەستىدىم. مەنىڭ بىلۋىمشە، تاجىكستاننىڭ با، باسقا ەلدىڭ ازاماتى سونداي ءىس-قيمىل جاساعان دەپ ەستىدىم. ەندى ولار مىناۋ باسقا اعىمداعى ازاماتتار شىعار. ونىڭ كوزقاراسىن، نەگە ونداي شەشىمگە كەلگەنىن بىلمەيمىن. كەيبىرەۋلەر ايتادى: «سەرىك قوساسىڭ، تاعى باسقا نارسەلەر» دەيدى. وعان مەن نە وي، نە ءۇشىن وعان بارعانىن ايتا المايمىن»، – دەدى ايماق باسشىسى.
دارحان ساتىبالدى كەسەنە قاۋىپسىزدىگى بويىنشا ۇكىمەتكە حات جازعانىن دا ايتتى.