تاشكەنتتىڭ سىرگەلى اۋدانى «قۇرىلىسشىلار» فيليالىنداعى «Inter Logistics» جاۋاپكەرشىلىگى شەكتەۋلى سەرىكتەستىگىنە تيەسىلى قويمادا كۇشتى جارىلىس بولدى، دەپ حابارلايدى اlmaty-akshamy.kz Gazeta.uz-نە سىلتەمە جاساپ.
جارىلىستان كەيىن تاشكەنتتىڭ سىرگەلى اۋدانىنداعى قويمادا ءورت شىقتى. جەرگىلىكتى ۋاقىتپەن ساعات 2:43-تە تجم-عا ءورت تۋرالى حابار كەلىپ تۇسكەن. زارداپ شەككەندەر بار. جەلىلەردەگى بەينەجازبالاردا ءۇي مەن باسقا دا زاتتاردىڭ قاتتى زاقىمدالعانىن كورۋگە بولادى. ءقازىر ءتىلسىز جاۋ اۋىزدىقتالدى. ءورت ءسوندىرۋ جۇمىستارى جالعاسىپ جاتىر.
وقيعا ورنىنا 16 ءورت ءسوندىرۋ بريگاداسى مەن 3 جۇك كولىگىنىڭ جۇرگىزۋشىسى ساعات 02:48-دە جەتكەن.
الەۋمەتتىك جەلىدە تاراعان ۆيدەولاردان قاتتى جارىلىس ەستىلەدى. جاقىن ماڭداعى ۇيلەر، ساۋدا جانە باسقا دا ورتالىقتار ايتارلىقتاي زارداپ شەككەن. جەدەل جاردەم پاتەرلەردى دە ارالاپ ءجۇر.
تجم وقيعانىڭ ۇشاق اپاتى سالدارىنان بولعانى تۋرالى اقپاراتتى جوققا شىعاردى.
دەنساۋلىق ساقتاۋ ءمينيسترىنىڭ مالىمەتىنشە، جارىلىس سالدارىنان زارداپ شەككەندەر رەسپۋبليكالىق جەدەل مەديسينالىق جاردەم عىلىمي ورتالىعى مەن ونىڭ تاشكەنت وبلىسىنداعى فيليالىنا جەتكىزىلگەن.
«ازىرگە ولاردىڭ اراسىندا اۋىر جاراقات العاندار جوق. دارىگەرلەر زارداپ شەككەندەرگە بارلىق قاجەتتى مەديسينالىق كومەك كورسەتىپ جاتىر»، - دەلىنگەن حابارلامادا.
جارىلىستىڭ سەبەبى انىقتالعان جوق. ءورت ءالى تولىعىمەن سونبەدى. زارداپ شەككەندەر مەن زاقىمدانعان كولىكتەر سانى انىقتالىپ جاتىر.