كامەنسكوە پلاتو، كولساي، مۇزتاۋ، سونداي-اق يۋبيلەينىي شاعىن اۋداندارىنىڭ تۇرعىندارىن تۇراقتى سۋمەن قامتاماسىز ەتۋ ءۇشىن توتەنشە جاعداي جەلىسى بويىنشا 2 جاڭا سۋ كوزى (4 سكۆاجينا) جانە سۋ جيناقتاعىشتاردىڭ قۇرىلىسى ءجۇرىپ جاتىر، دەپ حابارلايدى اlmaty-akshamy.kz.
بۇل تۋرالى الماتى قالاسىنىڭ اكىمى ەربولات دوسايەۆ مەدەۋ اۋدانى تۇرعىندارىمەن كەزدەسۋىندە ايتتى.
قۇرىلىس-مونتاجداۋ جۇمىستارىن وسى جىلدىڭ جەلتوقسان ايىنىڭ سوڭىنا دەيىن اياقتاۋ جوسپارلانعان.
بيىلعى جىلدىڭ ءساۋىر ايىندا جالپى ۇزىندىعى 46 شاقىرىم سۋ قۇبىرى جانە كارىز جەلىلەرىنىڭ قۇرىلىسى باستالدى. «كولساي» (2،8)، «كەڭساي» (14،4) شاعىن اۋداندارىنداعى جانە حاليۋللين كوشەسىندەگى (3،8) جۇمىستاردى اياقتاۋ وسى جىلدىڭ قاراشا ايىنا جوسپارلانعان.
«كومپوت» شاعىن اۋدانىندا (25) جۇمىستاردى شىلدە ايىندا باستادىق، نۇرماعامبەتوۆ، ر. باعلانوۆا، ورمانوۆ كوشەلەرىندەگى جانە ت. بيگەلدينوۆ كوشەسىنىڭ ءبىر بولىگىندەگى جۇمىستار بيىل اياقتالادى. قالعان كوشەلەر بويىنشا جۇمىستار 2024 جىلدىڭ شىلدەسىندە اياقتالادى.