كاسىپكەرلەرمەن كەزدەسۋ ءوتتى
قازاقستان قوعامدىق تاماقتانۋ قاۋىمداستىعى اۋىل شارۋاشىلىعى مينيسترلىگى ۋادە ەتكەن قانتتى ارنايى باعامەن ساتىپ الۋ پروسەسىنىڭ كەشىگىپ جاتقانىن مالىمدەدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«2 تامىزدا ءبىزدىڭ قاۋىمداستىققا اۋىل شارۋاشىلىعى ۆيسە-مينيسترى قانتتىڭ ارنايى باعامەن بەرىلەتىنىن ءمالىم ەتتى. وعان رۇقسات تا بەردى. ال ەندى تاياۋدا ءۇندى قانتىنا قاتىستى قىلمىستىق ءىس قوزعالعانى بەلگىلى بولدى. ياعني ونىڭ قۇرامىنان دەنساۋلىققا زيان تۇزدار تابىلىپتى. ءبىراق كاسىپكەرلەر 21 كۇن بويى اۋىل شارۋاشىلىعى مينيسترلىگى ۋادە ەتكەن باعامەن قانت الا الماي كەلەدى»، - دەدى قاۋىمداستىق وكىلى ۆەرونيكا نۇرپەيىسوۆا ەلوردا كاسىپكەرلەرىمەن كەزدەسۋ بارىسىندا.
بۇل اقپاراتتى نۇر-سۇلتان قالاسى اكىمنىڭ ورىنباسارى ەن قانتتىڭ ءبىر بولىگىن بەرۋگە ۋادە ەتكەن. دەگەنمەن ءقازىر ءۇندى قانتىنىڭ قۇرامىنا بايلانىستى ەلرلان بەكمۇرزايەۆ راستادى. ونىڭ ايتۋىنشا، اۋىل شارۋاشىلىعى ۆيسە-مينيسترى ءۇندىستاننان اكەلىنەتىن بىرنەشە وڭىردە تەكسەرىس جۇمىستارىن جۇرگىزىپ جاتىر.
«وسىعان بايلانىستى ساۋدا جانە ينتەگراسيا ءمينيسترى سەرىك جۇمانعارين سەنبى كۇنى ءبىزدى جينادى. مينيسترلىككە قوسىمشا قانت ساتىپ الۋ تاپسىرىلدى. اتاپ ايتقاندا، ۆەدومستۆو قوسىمشا كەلىسىمشارت جاساسقان. ەندى اتالعان تەكسەرىس جۇمىستارىنىڭ ناتيجەسىن كۇتپەي، جاڭا شارت نەگىزىندە قانت اكەلىنەدى»، - دەپ تۇسىنىكتەمە بەردى ەرلان بەكمۇرزايەۆ.
ەسكە سالايىق، بۇعان دەيىن اۋىل شارۋاشىلىعى مينيسترلىگى كۇزگە قاراي ەلىمىزگە قانت جەتكىزۋ جاعدايى تۇراقتالىپ، باعا تۇسەتىنىن مالىمدەپ ەدى.