قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ قازاقستان حالقى اسسامبلەياسىنىڭ ءحححىV سەسسياسىندا سويلەگەن سوزىندە ەلىمىزدەگى قوعامدىق-ساياسي وزگەرىستەرگە، جاڭا سانا مەن ادىلەتتى قوعامعا كوشۋ ۇدەرىسىنە كەڭىنەن توقتالدى. ول قوعامدىق كەلىسىم مەن اسسامبلەيانىڭ رولىنە جاڭاشا قاراۋ قاجەتتىگىن اتاپ ءوتتى. بۇل تۋرالى Aqshamnews.kz سايتى حابارلايدى.
مەملەكەت باسشىسى سوڭعى جىلدارى قازاقستاندا ۇلكەن وزگەرىستەر ورىن العانىن ايتتى. ەكونوميكالىق جانە ساياسي رەفورمالار جۇزەگە اسىرىلىپ، حالىقتىڭ قوعامدىق-ساياسي وقيعالارعا كوزقاراسى تۇبەگەيلى جاڭارعان.
"ءبىز زاماناۋي جانە الدىڭعى قاتارلى قوعامعا اينالدىق. مۇنىڭ ءبارى بىزدەگى قوعامدىق كەلىسىم ۇلگىسىنە دە تىڭ تالاپتار قويادى. كەشە عانا ءتيىمدى سانالعان ادىس-تاسىلدەر بۇگىن جارامسىز بولۋى مۇمكىن"، – دەدى توقايەۆ.
پرەزيدەنت قوعامداعى وزگەرىستەرگە لايىقتى تۇردە جاۋاپ بەرۋ ءۇشىن، اسسامبلەيا قىزمەتىنىڭ ءمانى مەن مازمۇنىن قايتا قاراۋ قاجەتتىگىن ۇسىندى.
"اسسامبلەيا مەملەكەتتىڭ ەتنوسارالىق سالاداعى بارلىق جۇمىسىنا باعىت بەرەتىن ستراتەگيالىق شتابقا اينالۋى كەرەك"، – دەدى ول.