اتا-اناسى اجىراسقاننان كەيىن بالالاردى باعىپ-قاعىپ، ءوسىرۋ ماسەلەسى وزەكتى.
كوپ جاعدايدا پروبلەمالىق اليمەنت ىستەرى بويىنشا بورىشكەرلەر سوت ورىنداۋشىلارىنان جاسىرىنادى نەمەسە جالاقىلارىن ازايتىپ كورسەتەدى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى ادىلەت دەپارتامەنتىنىڭ باسشىسى بالايىم كەسەبايەۆا ايتتى، دەپ حابارلايدى Almaty-akshamy.kz.
ونىڭ ايتۋىنشا، بالالارىڭىزعا جاۋاپكەرشىلىكپەن قاراۋ كەرەك. وتباسى اجىراسقان بولسا دا، بۇل اتا-انانى بالانى كۇتىپ-باعۋ جانە تاربيەلەۋ جاۋاپكەرشىلىگىنەن بوساتپايدى.
«اليمەنت ءوندىرىپ الۋ - وتە وزەكتى ماسەلە. بىرىنشىدەن، بۇل زاڭدى ماسەلە. مەن بۇنى الەۋمەتتىك ماسەلە دەر ەدىم. ويتكەنى ءاربىر اتا-انا نەكەدە تۇرسا دا، تۇرماسا دا، كامەلەتكە تولماعان بالالارىن قامتاماسىز ەتۋ ءۇشىن شارالار قابىلداۋى كەرەك. ءبىراق ءىس جۇزىندە، وكىنىشكە قاراي، نەگىزىنەن كەرىسىنشە. سوت ورىنداۋشىلارى اليمەنت ءوندىرىپ الۋ ءۇشىن ءبىرقاتار قامتاماسىز ەتۋ شارالارىن قابىلداۋدا. بىرىنشىدەن، بورىشكەرلەردىڭ اقشالاي شوتتارىنا تىيىم سالۋ، ونى ءارى قاراي جۇزەگە اسىرۋ جانە اليمەنت ءوندىرىپ الۋدى قامتاماسىز ەتۋ ءۇشىن جىلجىمالى جانە جىلجىمايتىن مۇلىككە تىيىم سالۋ. اليمەنت بويىنشا وتە ۇلكەن قارىز بار كوپتەگەن فاكتىلەر بار. جانە، ارينە، كامەلەتكە تولماعان بالالارىن اسىراۋ ءۇشىن اليمەنت تولەمەيتىن بورىشكەرلەردى (اكىمشىلىك، قىلمىستىق)، اتا - انالاردى جاۋاپكەرشىلىككە تارتۋ»، - دەدى ول.
سونداي-اق، ول كەز-كەلگەن ماسەلەنى ادامي تۇرعىدان شەشۋگە بولاتىندىعىن اتاپ ءوتتى.
«قىلمىستىق جازا كەزىندە بىزدە سۋديالار مەن زاڭگەرلەر اراسىندا كامەلەتكە تولماعان بالالاردىڭ مۇددەلەرى ءبىرىنشى ورىندا تۇرۋى كەرەك دەگەن داۋ تۋىندايدى. ال ەرەسەك ادام قانداي جاعدايدا بولسا دا، جۇمىسقا ورنالاسۋعا نەمەسە باسقا جولمەن تابىس تابۋعا جانە بالالارىن قامتاماسىز ەتۋگە مىندەتتى»، - دەپ تولىقتىردى سپيكەر.
ەڭبەككە قابىلەتتى كامەلەتكە تولعان بالالار وزدەرىنىڭ ەڭبەككە جارامسىز مۇقتاج اتا-انالارىن اسىراۋعا جانە ولارعا قامقورلىق جاساۋعا مىندەتتى. ەگەر بالالار كەلىسىم بويىنشا ءوز ەركىمەن ەڭبەككە جارامسىز اتا-انالاردى كۇتىپ-باقپاسا، وندا اتا-انالار اليمەنت تالاپ ەتۋ ءۇشىن سوتقا جۇگىنە الادى.
الماتى قالاسى زاڭ كەڭەسشىلەرى پالاتاسىنىڭ ءتوراعاسى گۇلنار بەردىبەكوۆا قارت اتا-انالار ەرەسەك بالالاردان اليمەنت جانە قارجىلىق كومەك تولەۋگە ءوتىنىش بەرگەن كەزدەگى كەيستەر تۋرالى ايتىپ بەردى.
«اليمەنت الۋ بالالار تەك اتا-انالارىنا عانا ەمەس، اتا-انالارى بالالارىنا (ءبىر بالاعا دا، ولاردا بار بارلىق بالالارعا دا) دا ارىزدانا الادى. ءبىراق اليمەنت تەك وسى بالالاردى تاربيەلەۋگە قاتىسقان جانە اتا-انا قۇقىعىنان ايىرىلماعان اتا-انالارعا عانا بەرىلۋى مۇمكىن. اتا-انا قۇقىعىنان ايىرىلعان اتا-انالار قارتايعان كەزدە بالالارىنا ارىزدانۋ مۇمكىندىگىنەن ايىرىلادى. بىزدە ءبىر جاعداي بولدى جاقىندا اتا-اناسى عانا ەمەس، اتاسى مەن اجەسى نەمەرەسىنە دە ارىزدانعان كەز بولدى، ولاردىڭ قىزى ۇزاق ۋاقىت بويى حابار-وشارسىز كەتكەن بولاتىن. سوندىقتان قارت اتاسى مەن اجەسى نەمەرەسىنە ارىز بەردى. بۇل دا زاڭمەن بەكىتىلگەن. ەگەر ولار كەلىسىمگە كەلمەسە، وندا سوت ورگاندارى ارقىلى ولار سوتقا جۇگىنە الادى جانە شەشىم شىعارىلعان كەزدە مۇنداي اليمەنت ەسەپتەلەدى. قارتايعان اتا - انالارىنا دا، اتا اتا-اجەلەرىن كۇتىپ-باعۋعا اليمەنت تولەۋ»، - دەپ اتاپ ءوتتى سپيكەر.
قازاقستاندا تۋعان-تۋىستى اسىراۋ زاڭدىق مىندەتى ەڭ الدىمەن وتباسى مۇشەلەرىنە جۇكتەلگەن.