قوعامدىق كولىكتە زەينەتكەردى جاقتاعان قىزعا ق ر ءىىم الماتى اكادەمياسىنا ەكسكۋرسيا ۇيىمداستىرىلدى، – دەپ حابارلايدى almaty-akshamy.kz Polisia.kz. سىلتەمە جاساپ.
جاننۇر نۇرجان وقۋ جىلىنىڭ باسىندا الماتىداعى قوعامدىق كولىكتە جاساعان يگى ارەكەتىنىڭ ارقاسىندا تانىمال بولدى. سول كەزدە قىز بالا توساپ قۇمىراسى سىنىپ قالعان زەينەتكەرگە كومەكتەستى.
– بۇل ارەكەت جەرلەستەرىمىزدى، قالا تۇرعىندارىن بەي-جاي قالدىرمادى. قىز بالانىڭ بۇل ارەكەتى – جاقسى تاربيە مەن دۇرىس ومىرلىك ۇستانىمدار ءومىر جولىندا يگى ىستەرگە جەتەلەيتىنىن كورسەتتى. جاننۇر – قالالىق قارجى-ەكونوميكالىق كوللەدجىنىڭ 2-كۋرس ستۋدەنتى. ءبىز ونى ق ر ءىىم الماتى اكادەمياسىنا قوناققا شاقىردىق. قىز گيدتى قىزىعۋشىلىقپەن تىڭدادى، كيبەرزەرتحاناعا باردى جانە ۆەدومستۆولىق ۋنيۆەرسيتەت تۋرالى ماڭىزدى تاريحي دەرەكتەردى ءبىلدى، – دەدى الماتى قالالىق پد جپقب يۋۆەنالدى پوليسيا ءبولىمىنىڭ باستىعى جاننا شونجانوۆا.
– ماعان بۇل كەزدەسۋ وتە قاتتى ۇنادى. كوللەدجدى بىتىرگەن سوڭ ق ر ءىىم الماتى اكادەمياسىنا وقۋعا ءتۇسىپ، قازاقستاندىقتاردىڭ قاۋىپسىزدىگى ءۇشىن قىزمەت ەتەمىن دەپ ويلايمىن، – دەدى جاننۇر نۇرجان.