الماتى تاعى دا كوش باستادى

الماتى شاعىن جانە ورتا بيزنەستە جۇمىسپەن قامتىلعاندار سانى بويىنشا كوش باستاۋدا

الماتىدا 2023 جىلدىڭ I توقسانىنداعى مالىمەتتەر بويىنشا 872 مىڭ قالا تۇرعىنى شاعىن جانە ورتا كاسىپكەرلىكپەن (شوب) اينالىسقان. بۇل مەگاپوليستەگى بارلىق ەكونوميكالىق بەلسەندى حالىقتىڭ 79،6%-ىن قۇرايدى. مۇنداي جوعارى كورسەتكىشتەر قازاقستاننىڭ بىردە-بىر وڭىرىندە جوق، دەپ Ranking اگەنتتىگى ءوز زەرتتەۋلەرىمەن ءبولىستى، دەپ حابارلايدى almaty-akshamy.kz

سالىستىرمالى تۇرعىدا: استانادا وسىعان ۇقساس كەزەڭدە ەكونوميكالىق بەلسەندى حالىقتىڭ شوب جۇمىسپەن قامتىلعاندارىنىڭ ۇلەسى 72،8% -دى قۇرادى. ەلىمىزدىڭ باسقا وڭىرلەرىندە، سونىڭ ىشىندە شىمكەنتتە بۇل كورسەتكىش جارتىسىنا دا جەتكەن جوق. جامبىل جانە ۇلىتاۋ وبلىستارىندا شوب جۇمىسپەن قامتىلعانداردىڭ ۇلەسى – 30% - دان دا تومەن. بۇل حالىقتىڭ ءىرى جۇيە قۇراۋشى كاسىپورىندارعا جوعارى تاۋەلدىلىگىن كورسەتەدى، بۇل جالپى وڭىرلەردىڭ ەكونوميكاسى ءۇشىن دە ءقاۋىپتى، دەپ ەسەپتەيدى اگەنتتىك.

ەلىمىزدە 2023 جىلدىڭ ءبىرىنشى توقسانىنىڭ قورىتىندىسى بويىنشا شوب-پەن 4،1 ملن ادام  قامتىلعان، بۇل وتكەن جىلمەن سالىستىرعاندا 14،4% - عا ارتىق. الماتىدان باسقا، جۇمىسپەن قامتىلعانداردىڭ سانى استانادا 499،4 مىڭ ادام جانە تۇركىستان وبلىسىندا 279 مىڭ ادام.