الماتى قالالىق قوعامدىق كەڭەسى ءتورالقاسىنىڭ مۇشەلەرى قازاقستان رەسپۋبليكاسى سەناتىنىڭ دەپۋتاتتارىمەن كەزدەستى.
ق ر پارلامەنتى سەناتىنىڭ دەپۋتاتى نۇرتورە ءجۇسىپ جوعارى پالاتانىڭ اتقارىپ جاتقان جۇمىستارى تۋرالى، قوعامدىق كەڭەستەردىڭ ينستيتۋسيونالدىق تۇعىرناماسىنىڭ ماڭىزدىلىعى تۋرالى حاباردار ەتتى.
ءوز كەزەگىندە قوعامدىق كەڭەس مۇشەلەرى ديالوگ الاڭدارى، قوعامدىق مونيتورينگ، قوعامدىق تىڭداۋلار، تۇرعىندارمەن كەزدەسۋ جانە دەنساۋلىق ساقتاۋ، مەديسينا قىزمەتكەرلەرىنىڭ بىلىكتىلىگىن ارتتىرۋ، ەكولوگيا جانە كولىك، سپورتتى دامىتۋ جانە باسقا دا ءىس-شارالاردىڭ ناتيجەلەرى بويىنشا ۇسىنىستار ايتتى.
قالاداعى شوب سۋبەكتىلەرى جانە جاستار اراسىندا ەسىرتكى تۇتىنۋدىڭ الدىن الۋ بويىنشا شارالار كەشەنىنىڭ قاجەتتىلىگىنىڭ جايى ورتاعا سالىندى. سونداي-اق قوعامدىق كەڭەستىڭ ءتيىمدى جۇمىس ىستەۋى ءۇشىن قاجەتتى جاعدايلار تۋرالى باياندالدى.
بارلىق ايتىلعان ۇسىنىستار قازاقستان رەسپۋبليكاسى سەناتىنىڭ دەپۋتاتتارىمەن تالقىلاندى. شارا ناتيجەسىندە تۇرعىنداردىڭ پىكىرىن ەسكەرۋ ءۇشىن، اتالعان ماسەلەلەردىڭ ءبىر بولىگى قوعامدىق كەڭەستەن قازاقستان رەسپۋبليكاسى پارلامەنتىنىڭ سەناتىنا جىبەرىلەتىن بولادى.