الەۋمەتتىك قىزمەتتەر ۇيىندە الماتى قالاسى قوعامدىق كەڭەسى ءتورالقاسىنىڭ كەڭەيتىلگەن وتىرىسى ءوتتى.
وتىرىس بارىسىندا الماتى قالاسى قوعامدىق كەڭەسىنىڭ ءتورايىمى التىناي كوبەيەۆا اەس سالۋى ماسەلەسىنە بايلانىستى رەفەرەندۋم وتكىزۋدىڭ قاجەتتىلىگىن سۇراپ، وسى تاقىرىپتى ورتاعا سالدى. العاشقى بولىپ ويىن بىلدىرگەندەردىڭ ءبىرى – الماتى قالاسى قوعامدىق كەڭەسىنىڭ مۇشەسى، الماتى ازاماتتىق اليانسىنىڭ ءتوراعاسى قايىرجان ءابدىحالىقوۆ بولدى.
- مەملەكەت باسشىسى ءوزىنىڭ قازاقستان حالقىنا جولداۋىندا 6 قازان كۇنى بولاتىن رەفەرەندۋم تۋرالى جاريا ەتتى. ارينە، بۇل وتە ماڭىزدى شارا. ويتكەنى رەفەرەندۋم ارقىلى ءبىز حالىق ۇنىنە قۇلاق اسىپ، ازاماتتاردىڭ اەس سالۋ ماسەلەسىن قانشالىقتى قولدايتىنىن كورەمىز. باسقا مەملەكەتتەردە جەكە تۇلعا نە ۇكىمەت قانا وسىنداي شەشىمدەردى قابىلدايدى. ال ءبىزدىڭ ەلدە جىل بويى 20 وڭىردە جاريا تالقىلاۋلار ءوتتى. ياعني، بىزدە ۇكىمەت ءوز بەتىنشە عانا ەمەس، حالىقپەن بىرگە وسى شەشىم قابىلدايدى، – دەدى ول.
رەفەرەندۋم وتكىزۋگە بايلانىستى الماتى قالاسى قوعامدىق كەڭەسىنىڭ مۇشەسى، ەكونوميست اكىمجان ارۋپوۆ تا پىكىر ءبىلدىردى.
- پرەزيدەنت جانە ۇكىمەت قازاقستان حالقىنىڭ پىكىرىن ءبىلۋ ءۇشىن سوڭعى 3 جىلدا 2 رەت رەفەرەندۋم وتكىزىلگەلى جاتىر. پرەزيدەنت ءوز سوزىندە ادىلەتتى قازاقستان قۇرۋدىڭ باسىندا ەكەنىمىزدى اتاپ ءوتتى. كەي ادامدار «ادىلەتتى قازاقستان» قايدا دەيدى؟ وسىنداي ساياسي قادامدار ادىلەتتى قوعامنىڭ ىرگەتاسىن قالاپ جاتىر. مەن ەكونوميست رەتىندە قازاقستان ەكونوميكاسىنىڭ وركەندەگەنىن قولدايمىن. الەمدە 400 استام اەس بار جانە اتوم رەاكتورى ءبىزدىڭ ەلىمىز ءۇشىن دە جاڭالىق ەمەس. 1970 جىلداردان باستاپ اقتاۋ قالاسىندا اتوم رەاكتورى قولدانىلدى، – دەدى اكىمجان ارۋپوۆ.