شولپان بوستان قىزى، قوعام قايراتكەرى، زاڭگەر:
كونستيتۋسيالىق رەفورمالار بويىنشا كوميسسيانىڭ كەزەكتى وتىرىسى باستالدى. بۇل ۇدەرىستى قوعام بولىپ بىرلەسە زەرتتەپ، زەردەلەۋىمىز قاجەت دەپ ەسەپتەيمىن. سەبەبى اتالعان رەفورمالار قازىرگى قوعامداعى قۇقىقتىق سانانى قالىپتاستىرۋعا، ۇكىمەت جۇمىسىنىڭ تيىمدىلىگىن ارتتىرۋعا جانە مەملەكەتتىڭ دامۋ جولىنداعى قىزمەتتەرىنە ايتارلىقتاي وڭ ىقپال ەتەدى.
كونستيتۋسيالىق رەفورمالار دەگەنىمىز – بولاشاقتا ەلىمىزدىڭ اتا زاڭىنا ءبىرقاتار وزگەرىستەر مەن تولىقتىرۋلار ەنگىزۋ ارقىلى قوعام مەن مەملەكەت ءۇشىن تۇبەگەيلى وڭ جاڭالىقتاردى جۇزەگە اسىرۋ. بۇل وزگەرىستەر مەملەكەتتىك مەكەمەلەردىڭ قىزمەتىنە دە، جالپى بارلىق سالالارداعى كونستيتۋسيالىق-قۇقىقتىق قاتىناستاردى رەتتەۋگە باعىتتالادى. سوندىقتان ونىڭ بۇگىنگى كۇننىڭ وزىندە ماڭىزى وتە جوعارى.
ۇشىنشىدەن، بۇل رەفورمالاردىڭ ءدال قازىرگى كەزەڭدە قولعا الىنۋى دا كەزدەيسوق ەمەس. قازىرگى ۋاقىت پەن قوعامدىق دامۋ ساتىسى كوپتەگەن وزگەرىستەردى تالاپ ەتەدى، ال ولاردىڭ ءبىر بولىگى تەك كونستيتۋسيالىق دەڭگەيدە عانا شەشىلۋى مۇمكىن. بۇل ءوز كەزەگىندە ازاماتتىق-قۇقىقتىق قاتىناستاردى رەتتەۋگە دە وڭ اسەرىن تيگىزەدى. اكىمشىلىك، ازاماتتىق نەمەسە وزگە دە كەز كەلگەن سالادا كونستيتۋسيالىق رەفورمالار مىندەتتى تۇردە قاراستىرىلۋى ءتيىس.
تورتىنشىدەن، رەفورمالار قوعامداعى ءاربىر ازاماتتىڭ قۇقىقتارى مەن مىندەتتەرىن، جاۋاپكەرشىلىگىن ارتتىرۋعا باعىتتالعان. ءاربىر ازامات ءوز قۇقىعىن عانا ەمەس، ءوز مىندەتى مەن جاۋاپكەرشىلىگىن دە بىلۋگە ءتيىس دەپ ەسەپتەيمىن.
وسىعان بايلانىستى شەتەلدىك ساياسي ۇيىمدار تاراپىنان پارتيالاردى قارجىلاندىرۋعا تىيىم سالۋ تۋرالى ۇسىنىس وتە ورىندى دەپ ويلايمىن. سونىمەن قاتار، ساياسي پارتيالاردىڭ قارجىلاندىرىلۋىن قاتاڭ باقىلاۋ مەن قاداعالاۋعا الۋ دا دۇرىس شەشىم. سەبەبى پارتيالار ءوز قىزمەتىن ادال اتقارىپ، قوعام مەن ەلدىڭ دامۋىنا ناقتى ۇلەس قوسۋى قاجەت.
سونداي-اق ءبىر پالاتالى پارلامەنتكە، ياعني قۇرىلتاي ۇلگىسىندەگى جۇيەگە كوشۋ – بۇگىنگى كونستيتۋسيالىق رەفورمالاردىڭ جاڭا باعىتى. بۇل – ەلىمىزدىڭ ساياسي جۇيەسىن جاڭعىرتۋداعى ماڭىزدى قادام.
وسى تۇرعىدا قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆتىڭ كوپپارتيالى ساياسي جۇيەنى دامىتۋعا باعىتتالعان ساياساتىن قولدايمىن. بۇل باعىت ازاماتتاردىڭ قۇقىقتارىن قورعاۋعا جانە دەموكراتيالىق قوعامدى نىعايتۋعا اسا قاجەت دەپ ەسەپتەيمىن.