قالا باسشىسىنىڭ ايتۋىنشا، قوزعالىس ءۇشىن قولايلى جاعداي جاساۋ جانە قوزعالىس قاۋىپسىزدىگىن قامتاماسىز ەتۋ بويىنشا جۇمىستاردىڭ تيىمدىلىگىن ارتتىرۋ ماقساتىندا الماتى قالاسى اكىمىنىڭ جانىنان كولىك كەڭەسى قۇرىلدى. ونىڭ قۇرامىنا ساراپشىلار مەن الەۋمەتتىك بەلسەندىلەردى قوسقاندا 17 ادام كىردى.
الماتى قالاسىنىڭ اكىمى باقىتجان ساعىنتايەۆ «الماتى» تەلەارناسىنداعى جول ينفراقۇرىلىمىن دامىتۋ جونىندەگى ونلاين-تانىستىرىلىم بارىسىندا قالانىڭ ساراپشىلارى مەن قوعام بەلسەندىلەرىن قامتيتىن كولىك كەڭەسىن قۇرۋ تۋرالى ايتتى، دەپ حابارلايدى Almaty-akshamy.kz.
كەڭەستىڭ مىندەتىنە قالا اكىمدىگىنىڭ اكىمدىكتەرى مەن ساراپتامالىق قوعامداستىق اراسىنداعى قالانىڭ كولىك جۇيەسى مەن اگلومەراسياسىن دامىتۋدى كەشەندى جوسپارلاۋ ماسەلەلەرى بويىنشا ءتيىمدى ءوزارا ءىس-قيمىلدى قامتاماسىز ەتۋ كىرەدى.
كەڭەس قالا اكىمىنە كولىك ينفراقۇرىلىمىن جاقسارتۋ، كولىك ينفراقۇرىلىمى جوبالارىن مونيتورينگىلەۋ مەن باعالاۋ، سونىڭ ىشىندە ءمجا اياسىندا ۇسىنىستار ەنگىزەدى. كولىك سالاسىندا تۋىندايتىن قوعامدىق ماسەلەلەر بويىنشا اكىمدىككە كەڭەستەر بەرەدى.
قوعام بەلسەندىلەرى تالقىلاعان ماسەلەلەردىڭ ءبىرى – ۆەلوسيپەد ينفراقۇرىلىمىن دامىتۋ. 23 كوشەدەگى ۆەلوجولاقتار مەن ۆەلوجولداردىڭ جالپى ۇزىندىعى 89 كم. 1460 ۆەلوسيپەدى بار Almaty Bikە ۆەلوتىزبەگىنىڭ 187 ستانسياسى ورناتىلعان. بۇل قىزمەتتىڭ 50 مىڭنان استام پايدالانۋشىسى تىركەلگەن.
2020 جىلى 4 كوشەدە 7 شاقىرىم ۆەلوسيپەد ينفراقۇرىلىمى اباتتاندىرىلادى. بيىل 5 شاقىرىمعا تاعى 10 شاقىرىم ۆەلوجولاق پەن ۆەلوجولدى جابدىقتاۋ جوسپارلانعان.
سونىمەن قاتار، تامىزدا الماتى قالاسىنىڭ ۆەلوسيپەد پەن جاياۋ جۇرگىنشىلەر ينفراقۇرىلىمىن دامىتۋ ستراتەگياسىن بەكىتۋ جوسپارلانىپ وتىر.
بۇل قۇجات ۆەلوسيپەدپەن ءجۇرۋ مەن جاياۋ سەرۋەندەۋدى ءقاۋىپسىز ءارى تارتىمدى ەتۋ ءۇشىن دامۋ ينديكاتورىن جانە ىسكە اسىرۋ جوسپارىن بەلگىلەيدى. وسىلايشا قازىرگى زامانعى قالانىڭ بىرنەشە ماسەلەلەرى شەشىلمەك. ياعني اۋا تازارادى، سوسىن، اسىرەسە، جاستار اراسىندا بەلەڭ العان سەلقوستىقپەن كۇرەسۋگە سەپتىگىن تيگىزبەك.