سەسسيا جۇمىسى قازاقستان رەسپۋبليكاسى تاۋەلسىزدىگىنىڭ 30 جىلدىعى مەن ەلوردا كۇنى قارساڭىندا ءوتىپ وتىر.
بۇگىن الماتى قالاسى اكىمىنىڭ ورىنباسارى ەرجان باباقۇماروۆتىڭ توراعالىعىمەن الماتى قالالىق قازاقستان حالقى اسسامبلەياسىنىڭ ءححىى سەسسياسى بولدى، دەپ حابارلايدى Almaty-akshamy.kz.
كەزدەسۋدە اسسامبلەيانىڭ قالالىق ۇيىمدارىنىڭ، ونىڭ ىشىندە الماتى قالالىق قازاقستان حالقى اسسامبلەياسىنىڭ حاتشىلىعىنىڭ، قوعامدىق كەلىسىم كەڭەسىنىڭ جانە قحا انالار كەڭەسىنىڭ 2021 جىلدىڭ ءبىرىنشى جارتىجىلدىعىنداعى جۇمىستارىنىڭ قورىتىندىلارى شىعارىلدى. سونىمەن قاتار، قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازاربايەۆتىڭ قاتىسۋىمەن وتكەن قحا-نىڭ ءححىح سەسسياسىندا قابىلدانعان شەشىمدەر مەن ق ر پرەزيدەنتى – قحا ءتوراعاسى قاسىم-جومارت توقايەۆ العا قويعان مىندەتتەردى ەسكەرە وتىرىپ، ەكىنشى جارتىجىلدىقتا اتقارىلاتىن جۇمىس جوسپارلارى قاراستىرىلدى.
الماتى قالالىق قحا حاتشىلىعىنىڭ مالىمەتىنشە، جىل باسىنان بەرى مەگاپوليستە 100 الەۋمەتتىك ماڭىزى بار ءىس-شارالار ءوتتى. «30 يگى ءىس» رەسپۋبليكالىق قايىرىمدىلىق مارافونى اياسىندا وتكىزىلگەن ءىس-شارالار ازاماتتىق قوعامدى دامىتۋعا، بالالار مەن جاستاردى تاربيەلەۋگە، تولەرانتتىلىق يدەيالارىن نىعايتۋعا باعىتتالعان. سونىمەن بىرگە، COVID-19 پاندەمياسىنا قارسى كۇرەستە الدىڭعى شەپتە جۇرگەندەردى: دارىگەرلەر مەن مەدبيكەلەردى، سانيتارلار مەن ەرىكتىلەردى، ءتارتىپ ساقشىلارىن قولداۋعا باستى نازار اۋدارىلدى.
سونىمەن قاتار، ءبىرىنشى جارتىجىلدىقتا اسسامبلەيانىڭ قۇرىلىمدىق ۇيىمدارى مەن ەتنومادەني بىرلەستىكتەر وكىلدەرىنىڭ كۇشىمەن 80 قايىرىمدىلىق ءىس-شارا وتكىزىلىپ، ونىڭ اياسىندا 5 130 وتباسىعا جالپى سوماسى 73 ميلليون تەڭگەنى قۇرايتىن ماتەريالدىق كومەك كورسەتىلدى.
قالا اكىمىنىڭ ورىنباسارى ەرجان باباقۇماروۆ جۇمىستى مەملەكەت باسشىسى قاسىم-جومارت توقايەۆ قويعان مىندەتتەرگە سايكەس، اتاپ ايتقاندا، قازاقستان حالقىن ازاماتتىق بىرەگەيلىك پەن بىرلىك قاعيداتتارىندا توپتاستىرۋعا باعىتتالعان قحا-نىڭ ارنايى جوبالارىن ىسكە اسىرۋ بويىنشا قۇرۋدى تاپسىردى.