ق ر پرەزيدەنتتىگىنە كانديدات مەيرام قاجىكەن ماڭعىستاۋ وبلىسىنىڭ كاسىپوداق وكىلدەرى جانە قوعام قايراتكەرلەرىمەن كەزدەستى.
العاشىندا ۇمىتكەر ءوزىنىڭ سايلاۋالدى باعدارلاماسىنىڭ نەگىزگى باعىتتارى تۋرالى ايتىپ، الەۋمەتتىك ارىپتەستىك ينستيتۋتىن ودان ءارى دامىتۋدى قامتيتىن ازاماتتىق قوعام تاقىرىبىنا تولىعىراق توقتالدى.
تاراپتار رەسپۋبليكالىق جانە سالالىق كاسىپوداقتاردىڭ جاي-كۇيى تۋرالى پىكىر الماستى. قازاقستاننىڭ «دامۋشى ەلدەردى ەسكەرە وتىرىپ، ەڭ تومەنگى جالاقىنى بەلگىلەۋ تۋرالى» 131 حالىقارالىق ەڭبەك ۇيىمىنىڭ كونۆەنسياسىن قابىلداۋ قاجەتتىلىگى تالقىلاندى.
م. قاجىكەن سايلاۋشىلارمەن كەزدەسۋ كەزىندە وسى قۇجاتقا باسا نازار اۋداراتىنىن اتاپ ءوتتى. كونۆەنسيا بۇل - ەڭ تومەنگى جالاقى دەڭگەيىن (ەتج) انىقتاۋدا ەسكەرىلەتىن فاكتورلاردى كوزدەيدى. ەسەپتەۋ كەزىندە ەلدەگى جالپى جالاقى دەڭگەيىن، ءومىر ءسۇرۋ قۇنىن، الەۋمەتتىك تولەمدەردى جانە باسقالارىن ەسكەرە وتىرىپ، جۇمىسشىلار مەن ولاردىڭ وتباسىلارىنىڭ قاجەتتىلىكتەرى قارالادى.
«كونۆەنسيادا ەتج زاڭ كۇشىنە يە ەكەندىگى جانە ونىڭ تومەندەمەيتىنى انىق ايتىلعان. ەرەجەنى ەسكەرمەگەن جاعدايدا قىلمىستىق نەمەسە باسقا شارالار قولدانىلادى. بۇل اسىرەسە جۇمىس بەرۋشىلەر ەڭ تومەنگى جالاقىدان دا تومەن اقى تولەيتىن ايماقتاردا وتە ماڭىزدى»، - دەدى ۇمىتكەر.
كەزدەسۋگە قاتىسۋشىلار زەينەتاقى اۋدارىمدارى، جالاقى، جۇمىسقا ورنالاسۋ تاقىرىپتارى مەن ءوڭىردىڭ ماسەلەلەرىن تالقىلادى.
قازاقستان پرەزيدەنتىنىڭ كەزەكتەن تىس سايلاۋى 20 قاراشادا وتەدى.