القابيلەر سوتى 15 جىلدان بەرى جۇمىس ىستەپ كەلەدى.
ماجىلىستە قازاقستاندا القابيلەردىڭ وكىلەتتىكتەرىن كەڭەيتەتىن زاڭ جوباسى تالقىلاندى، - دەپ حابارلايدى Almaty-akshamy.kz
جوعارعى سوتتىڭ قىلمىستىق ىستەر جونىندەگى سوت القاسىنىڭ ءتوراعاسى ءابدىراشيت جۇكەنوۆ «القابيلەردىڭ قاتىسۋىمەن قارايتىن ىستەر ساناتتارىن كەڭەيتۋ ماسەلەلەرى بويىنشا وزگەرىستەر ەنگىزۋ تۋرالى» زاڭ جوباسى پرەزيدەنت جولداۋىن ورىنداۋ ءۇشىن ازىرلەنگەنىن اتاپ ءوتتى.
2023 جىلعى 1 قاڭتاردان باستاپ 35-كە دەيىن، ال 2024 جىلعى 1 قاڭتاردان باستاپ، اسا اۋىر عانا ەمەس، قۇقىق بۇزۋشىلىقتاردىڭ باسقا دا قۇرامى بويىنشا 43-كە دەيىن ۇلعاياتىن بولادى.
«قازاقستاندا القابيلەر سوتى 15 جىلدان بەرى جۇمىس ىستەپ كەلەدى. بۇگىنگى تاڭدا القابيلەر قاراعان ىستەردىڭ 10 پايىزىنا دەيىن اقتاۋ ۇكىمىن شىعارادى. جالپى سوتتاردا بۇل كورسەتكىش 1،5-2 پايىز. سوت القابيلەر ىستەرى بويىنشا سوتالدى تەرگەپ-تەكسەرۋدىڭ ساپاسى اناعۇرلىم جاقسى، سوت تالقىلاۋىندا تاراپتار بەلسەندىرەك. 2024 جىلعى 1 قاڭتاردان باستاپ القابيلەر سوتىنا تاعى 13 اۋىر جانە ونشا اۋىر ەمەس قىلمىس قۇرامىن بەرۋ ۇسىنىلادى»، - دەدى ءابدىراشيت جۇكەنوۆ.
بۇل ىستەرگە مىنالار جاتادى:
- ادامنىڭ تىندەرى مەن مۇشەلەرىن الۋعا ماجبۇرلەۋ؛
- ازاپتاۋ؛
- رەيدەرلىك؛
- ەكى جانە ودان دا كوپ ادامنىڭ ولىمىنە اكەپ سوققان مەديسينا نەمەسە فارماسيەۆتيكا قىزمەتكەرلەرىنىڭ كاسىبي مىندەتتەرىن تيىسىنشە ورىنداماۋ؛
- اۋىر زارداپتارعا اكەپ سوققان بالىق رەسۋرستارىن، باسقا دا سۋ جانۋارلارى مەن وسىمدىكتەرىن زاڭسىز ءوندىرۋ؛
- زاڭسىز اڭ اۋلاۋ؛
- ەكى جانە ودان دا كوپ ادامنىڭ ولىمىنە اكەپ سوققان جول قوزعالىسى ەرەجەلەرىن بۇزۋ نەمەسە كولىك قۇرالدارىن پايدالانۋ؛
- كولىك قۇرالدارىن ماس كۇيىندە باسقاراتىن ادامداردىڭ جقە بۇزۋى نەمەسە كولىك قۇرالدارىن پايدالانۋى؛
- ادامنىڭ ولىمىنە اكەپ سوقتىرعان ماس كۇيىندە كولىكتى باسقارۋ.
جوعارى سوت وكىلىنىڭ ايتۋىنشا، زاڭ جوباسىن قابىلداۋ سوتتاردىڭ قىزمەتىن جەتىلدىرۋگە، سوتتارعا دەگەن سەنىم دەڭگەيىن ارتتىرۋعا، سوت تورەلىگىن ىسكە اسىرۋ راسىمىنە ازاماتتىق قوعامنىڭ قاتىسۋىن جانداندىرۋعا، قوعامنىڭ قۇقىقتىق مادەنيەتى مەن قۇقىقتىق ساناسىن ارتتىرۋعا، سوت تورەلىگىن ىسكە اسىرۋ ناتيجەلەرىنەن قاناعاتتانۋ دەڭگەيىن ارتتىرۋعا مۇمكىندىك بەرەدى.