قاسيەتتى قۇربان ايت مەيرامىنا ساناۋلى كۇندەر قالدى. وسى ۇلىق مەرەكە قارساڭىندا قازاقستان مۇسىلماندارى ءدىني باسقارماسى قۇربان شالۋ ءراسىمىن وڭايلاتۋ جانە ءادىل ۇيىمداستىرۋ ماقساتىندا qurban.muftyat.kz رەسمي ونلاين پلاتفورماسىن ىسكە قوستى.
بۇل سايت ارقىلى قۇرباندىق شالعىسى كەلگەن ءار ازامات قۇرباندىق مالىن تاڭداپ، قاراجاتتى ءقاۋىپسىز تۇردە اۋدارا الادى، دەپ حابارلايدى aqshamnews.kz ءمۇفتيات سايتىنا سىلتەمە جاساي وتىرىپ.
وكىنىشكە وراي، اعىمداعى جىلى قۇربان شالۋ ءراسىمىن وڭايلاتۋ ءۇشىن قمدب تاراپىنان جاسالعان يگى باستامانى تەرىس ماقساتتا قولدانىپ، ءتۇرلى الاياقتىق ارەكەتتەرى ورىن الۋى ىقتيمال. وسى سەبەپتى ەلىمىزدىڭ ازاماتتارىن قورعاۋ ماقساتىندا ماڭىزدى ەسكەرتۋ جاسايمىز: قۇربان ايت مەرەكەسى كەزىندە وزدەرىنىڭ تەرىس ماقساتتارىن جۇزەگە اسىرۋ ءۇشىن كەيبىر بەلگىسىز ازاماتتار مەن ۇيىمدار جالعان قۇرباندىق سايتتارىن اشىپ، حالىقتى اداستىرىپ، قۇرباندىققا اۋدارعان قاراجاتتارىن وزگە ماقساتقا پايدالانىپ كەتۋى مۇمكىن. سوندىقتان بارشاڭىزدى اباي بولۋعا شاقىرامىز.
اللا تاعالا بارشاڭىزدىڭ قۇرباندىقتارىڭىزدى قابىل ەتىپ، ىزگى نيەتتەرىڭىزدى ارتتىرسىن!