فرانسيا استاناسى پاريجدەگى بەلگىلى گريەۆەن مۋزەيىنەن فرانسيا پرەزيدەنتى ەممانۋەل ماكروننىڭ بالاۋىزدان جاسالعان ءمۇسىنى ۇرلاندى
وقيعا ءپاريجدىڭ 9-وكرۋگىندە ورنالاسقان مۋزەيدە تاڭەرتەڭ بولعان. مۋزەيدە ايگىلى تۇلعالاردىڭ بالاۋىز مۇسىندەرى قويىلعان، دەپ حابارلايدى aqshamnews.kz.
قىلمىسكەرلەر – ەكى ايەل مەن ءبىر ەر ادام – تاڭەرتەڭ مۋزەيگە كىرىپ، ماكروننىڭ ءمۇسىنىن الىپ كەتكەن. ولار ءوزىن مۋزەي قىزمەتكەرلەرى ەتىپ كورسەتىپتى. Greenpeace ەكولوگيالىق ۇيىمىنىڭ مۇشەلەرى بولۋى مۇمكىن دەگەن بولجام بار.
ۇرىلار ءمۇسىندى ماتاعا وراپ، مۋزەيدىڭ قوسالقى ەسىگى ارقىلى سىرتقا شىعارعان.
ءمۇسىننىڭ قۇنى شامامەن 40 مىڭ ەۋروعا باعالانادى.