ەندى قول قۋسىرىپ، تۇك بىتىرمەيتىن شەندىلەر ورىنتاقتارىمەن قوشتاسپاق
بۇل تۋرالى مەملەكەت باسشىسى قاسىم-جومارت توقايەۆ پارلامەنت ءماجىلىسىنىڭ جيىنىندا سويلەگەن سوزىندە ايتتى، دەپ حابارلايدى Almaty-akshamy.kz 24.kz-كە سىلتەمە جاساپ
جۇمىسقا ىقىلاسى جوق كەيبىر شەنەۋنىكتەر جىلدار بويى ماردىمدى ەشنارسە بىتىرمەي، كابينەتتەرىندە وتىردى. ولار باستاماشىل جاستاردىڭ وسۋىنە جول بەرمەيدى.
مەملەكەتتىك ورگانداردىڭ باسشىلارى حالىقپەن تىلدەسۋدى بىلمەيدى، تىپتەن قورقادى دا. ءسويتىپ، ولار مەملەكەتتىك اپپاراتتىڭ ءتيىمدى جۇمىس ىستەۋىنە كەدەرگى كەلتىرەدى. مۇنداي شەنەۋنىكتەرمەن قوشتاسۋدىڭ كەزى كەلدى. قاسىم-جومارت توقايەۆ قازاقستان رەسپۋبليكاسىنىڭ پارلامەنتى ءماجىلىسىنىڭ وتىرىسىندا وسىلاي دەدى. قاسىم-جومارت توقايەۆ ۇكىمەت مۇشەلەرى ۇنەمى ايماقتارعا شىعۋدى، ال اكىمدەرگە ءاربىر ەلدى مەكەننىڭ حالقىمەن ءجيى كەزدەسۋدى تاپسىردى.
وسىلايشا پرەزيدەنت مەملەكەت پەن حالىقتىڭ ءوزارا قاتىناسىن تۇبەگەيلى وزگەرتۋ كەرەگىن ايتتى.
قاسىم-جومارت توقايەۆ ازاماتتىق ساراپشىلارمەن كەڭەسە وتىرىپ، قىركۇيەكتەگى جولداۋىندا ساياسي رەفورمالاردىڭ جاڭا پاكەتىن ۇسىناتىنىن جەتكىزدى.