ادام دەنەسىندە دوڭىز جۇرەگى سوعىپ تۇر

مەريلەند ۋنيۆەرسيتەتىنىڭ مەديسينا فاكۋلتەتىنىڭ حيرۋرگتارى 7 ساعات بويى بىرەگەي وتا جاسادى.

گەنەتيكالىق تۇرلەندىرىلگەن شوشقانىڭ جۇرەگى ادامعا اۋىستىرىلدى. اقش-تىڭ مەريلەند ۋنيۆەرسيتەتىنىڭ مەديسينالىق ورتالىعىندا حيرۋرگتار بۇرىن-سوڭدى بولماعان 7 ساعاتتىق وتا جاسادى، دەپ حابارلايدى Almaty-akshamy.kz Euronews.com سايتىنا سىلتەمە جاساپ.

ولار جانۋاردىڭ ورگانى رەسيپيەنتتىڭ دەنەسىندە جۇمىسىن جالعاستىراتىنىن دالەلدەي الدى.

57 جاستاعى ديەۆيد بەنەتتىڭ دونورلىق جۇرەك قۇقىعى بەرىلمەگەن. ناۋقاس تاڭداۋدىڭ قيىن بولماعانىن ايتادى: "دونور تابىلماي ومىرمەن قوش ايتىسۋ نەمەسە جانۋاردىڭ ورگانىن سالدىرۋ". وپەراسيانى جاساعان بارتلي گريففيت ءوزىنىڭ قولىنان كەلگەن وتا ءۇشىن ءدان ريزا.

"جاسالعان وتا وتە ماڭىزدى، ويتكەنى بىزدە وسى ۋاقىتقا دەيىن ادام مۇشەلەرىن الماستىراتىن ورگان بولماعان. كوپتەگەن ادامدار دونورلىق جۇرەكتەردىڭ بولماۋىنا بايلانىستى جاسىنا نەمەسە باسقا سەبەپتەرگە بايلانىستى ترانسپلانتاسياعا ۇمىتكەرلەر تىزىمىنە كىرمەيدى"، - دەيدى مەريلەند ۋنيۆەرسيتەتىنىڭ مەديسينالىق ورتالىق حيرۋرگى بارتلي گريففيت. 

امەريكالىق مەديسينالىق رەتتەۋشى (FDA) جاڭا جىل قارساڭىندا بىرەگەي وپەراسيا جۇرگىزۋگە رۇقسات بەردى. سونىمەن قاتار، ساراپشىلار ديەۆيد بەننەتتىڭ ۇزاق مەرزىمدى ءومىر ءسۇرۋ مۇمكىندىگىن باعالاۋدا ءالى دە ساقتىقپەن قارايدى. 

دونورلىق شوشقانىڭ گەنەتيكالىق موديفيكاسياسى شوشقانىڭ بارلىق جاسۋشالارىندا بولاتىن جانە ترانسپلانتاسيالانعان ورگاننىڭ دەرەۋ قابىلدانباۋىنا اكەلەتىن قانت ءتۇرىن شىعارماۋ بولدى. موديفيكاسيانى وتكەن جىلدىڭ قازان ايىندا حيرۋرگتار نيۋ-يوركتە ميى ولگەن ناۋقاستىڭ قان تامىرلارىنا ءساتتى جالعانعان شوشقا بۇيرەگىن قامتاماسىز ەتكەن Revivicor كومپانياسى جۇرگىزدى.

 رەسمي مالىمەتتەرگە سايكەس، قازىرگى تاڭدا 110 000-عا جۋىق امەريكالىق ترانسپلانتاسيا كەزەگىندە تۇر. جىل سايىن ولاردىڭ ىشىندە 6000-نان استامى رۇقسات كەلگەنگە دەيىن ومىرمەن قوشتاسىپ ۇلگەرەدى.