بۇل تۋرالى ول ءوزىنىڭ Facebook-تەگى پاراقشاسىندا جازدى.
ءبىلالوۆ قازاقستان حالقىن وسى قيىن-قىستاۋ كەزەڭدە مەملەكەت باسشىسىنىڭ توڭىرەگىنە توپتاسىپ، ەل تاۋەلسىزدىگىن نىعايتۋ جولىنداعى شەشىمدەرىن قولداۋعا شاقىردى، دەپ حابارلايدى Almaty-akshamy.kz
«مەملەكەت باسشىسى ق.ك. توقايەۆتىڭ باتىل ءارى ۋاقتىلى قابىلداعان شەشىمدەرى قازاقستاننىڭ بەيبىت ومىرگە تەزىرەك ورالۋىنا مۇمكىندىك بەرەدى. ەل باسىنا تۇسكەن وسىنداي قيىن كەزەڭدە پرەزيدەنتىمىزدىڭ توڭىرەگىنە توپتاسۋىمىز كەرەك. بۇل قازىرگى جاعدايدى تۇراقتاندىرۋ، قالىپتى ومىرگە ورالۋ، ەكونوميكانى قالپىنا كەلتىرۋ، جۇمىستى جالعاستىرۋ جانە بارلىق سالادا جاڭا رەفورمالاردى جۇزەگە اسىرۋداعى ماڭىزدى قادام. وسىنداي قيىن-قىستاۋ كەزەڭدە ءبىز، بارشا قازاقستاندىقتار، پاراساتتىلىق جولىنا ىلەسىپ، ەشقانداي ارانداتۋشىلىققا بوي الدىرماي، قازاقستان رەسپۋبليكاسى پرەزيدەنتىنىڭ شەشىمدەرىن تولىق قولداۋىمىز قاجەت. ءبىزدىڭ كۇش-قۋاتىمىز بىرلىكتە عانا ەكەنىن ءارقاشان ەستە ۇستايىق!» - دەدى رەكتور دارحان ءبىلالوۆ.