سي ءسزينپيننىڭ مەملەكەتتىك ساپارى 14 قىركۇيەككە جوسپارلانعان.
قىركۇيەكتە جۇڭگو حالىق رەسپۋبليكاسىنىڭ ءتوراعاسى سي سزينپين قازاقستانعا مەملەكەتتىك ساپارمەن كەلەدى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ مالىمدەدى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
«ق ر پرەزيدەنتى قاسىم-جومارت توقايەۆتىڭ شاقىرۋىمەن قحر ءتوراعاسى سي ءسزينپيننىڭ قازاقستانعا مەملەكەتتىك ساپارى 14 قىركۇيەككە جوسپارلانعان. ساپار بارىسىندا مەملەكەت باسشىلارىنىڭ ەكىجاقتى كەلىسسوزى وتەدى دەپ جوسپارلانىپ وتىر، ىنتىماقتاستىقتىڭ ءتۇرلى باعىتتارى بويىنشا ەكىجاقتى قۇجاتتارعا قول قويىلادى»، - دەدى سمادياروۆ سىرتقى ىستەر مينيسترلىگىندە وتكەن بريفينگتە.
ونىڭ ايتۋىنشا، ساپار قازاقستان مەن جۇڭگو اراسىنداعى ماڭگىلىك جان-جاقتى ستراتەگيالىق ارىپتەستىكتى ودان ءارى تەرەڭدەتۋ، ساياسي، ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى دامىتۋعا باعىتتالعان.