جاس تەننيسشى - قازاقستان تاريحىنداعى ازيا چەمپيوناتىن باعىندىرعان العاشقى جانە ازىرگە جالعىز سپورتشى.
جاسوسپىرىمدەر مەن كادەتتەر اراسىنداعى قۇرلىقتىق XXVI چەمپيوناتتا الان سانگۋانۆونگ كسايپاسەۋتتى (لاوس)، اۋكادەچچايكۋل ءسيتتيپولدى (تايلاند)، پرادحيۆادحي بحايانكارام ابحيناندتى (ءۇندىستان) جەڭىپ، ال جارتىلاي فينالدا جاپوندىق تاكۋمي تانيموتوعا ەسە جىبەردى. وسىلايشا قولا مەدالعا قول جەتكىزدى، دەپ حابارلايدى Almaty-akshamy.kz Inbusiness.kz سىلتەمە جاساپ.
الاننىڭ جاتتىقتىرۋشىسى ەلميرا الييەۆا بۇل جەڭىستىڭ ماڭىزدى ەكەنىن اتاپ ءوتتى.
«رەسپۋبليكالىق ۇستەل تەننيسى فەدەراسياسىنىڭ پرەزيدەنتى دانيار رۇستەم ۇلى ابۋلگازينگە ءبىزدىڭ وسىنداي قۇرمەت پەن ماراپات الىپ ورالۋىمىزعا، بولاشاقتا جاڭا جەتىستىكتەرگە ىنتالانۋىمىزعا جان-جاقتى قولداۋ كورسەتىپ، بارلىق جاعداي جاساعانى ءۇشىن ۇلكەن العىس ايتقىم كەلەدى. چەمپيوناتتا الان جاقسى وينادى، جارقىن جەڭىستەرگە قول جەتكىزدى جانە ازيانىڭ ۇزدىك جاس تەننيسشىلەرىنىڭ ءبىرى ەكەنىن كورسەتتى»، - دەپ اتاپ ءوتتى سپورتشىنىڭ تالىمگەرى.