قىتايدىڭ الەمدىك ەكونوميكانىڭ وسۋىنە قوسقان ۇلەسى 2023 جىلى 1/3-تەن اسادى. بۇل تۋرالى قحر مەملەكەتتىك كەڭەسىنىڭ پرەمەرى لي سيانمەن بواو ازيا فورۋمى (باف) الاڭىندا وتكەن كەزدەسۋ بارىسىندا حالىقارالىق ۆاليۋتا قورىنىڭ (حۆق) باسقارۋشى ديرەكتورى كريستالينا گەورگييەۆا مالىمدەدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
حۆق باسشىسىنىڭ ايتۋىنشا، جۇڭگو ەكونوميكاسى قارقىن الۋدا جانە بيىل ونىڭ الەمدىك ەكونوميكانىڭ وسۋىنە قوسقان ۇلەسى 1/3-تەن اسادى، وسىلايشا باسقا ەلدەر ءۇشىن ماڭىزدى مۇمكىندىكتەر تۋادى.
قور قىتايمەن ماكروەكونوميكالىق ساياساتتى رەتتەۋ سالاسىنداعى ىنتىماقتاستىقتى تەرەڭدەتۋگە، ساۋدانىڭ بولشەكتەنۋىنە جول بەرمەۋگە جانە دامۋشى ەلدەرگە قارىز داعدارىستارىمەن كۇرەسۋگە كومەكتەسۋگە دايىن، وسىلايشا الەم تۇراقتى جانە ءقاۋىپسىز بولادى.
ءوز كەزەگىندە قحر مەملەكەتتىك كەڭەسىنىڭ پرەمەرى لي سيان بيىلعى جاھاندىق ەكونوميكالىق جاعداي وپتيميزمگە يتەرمەلەمەيتىنىن جانە بولجاۋ مۇمكىن ەمەس فاكتورلاردىڭ بار ەكەنىن اتاپ ءوتتى. كۇردەلى سىن-قاتەرلەر جاعدايىندا حالىقارالىق قاۋىمداستىق ماكروەكونوميكالىق ساياساتتى ۇيلەستىرۋدى كۇشەيتىپ، جاھاندىق ءوندىرىس پەن جەتكىزۋ تىزبەگىنىڭ قاۋىپسىزدىگى مەن تۇراقتىلىعىن ساقتاۋى قاجەت ەكەنىن دە ايتىپ ءوتتى.
«ءبىزدىڭ ونىمدىلىكتى جاقسارتۋعا جانە جىل سايىنعى دامۋ ماقساتتارىنا قول جەتكىزۋگە ۇلەس قوسۋعا سەنىمىمىز بەن مۇمكىندىگىمىز بار»، - دەدى ول.
28-31 ناۋرىز ارالىعىندا قىتايدا جىل سايىنعى بواو ازيا فورۋمى وتەدى.