قۇجات 5 ساۋىرگە دەيىن قوعامدىق تالقىلاۋعا شىعارىلدى.
اۋىل شارۋاشىلىعى مينيسترلىگى «قازاقستان رەسپۋبليكاسىنىڭ اۋماعىنا اۆتوكولىكپەن بيداي اكەلۋگە تىيىم سالۋ تۋرالى» بۇيرىقتىڭ جوباسىن ازىرلەدى، - دەپ حابارلايدى Almaty-akshamy.kz. Azattyq Ruhy-نا سىلتەمە جاساپ.
بۇيرىق اشىق نقا پورتالىندا جاريالاندى.
«تۇقىمدىق بيدايدى (ەۋرازيالىق ەكونوميكالىق وداقتىڭ سىرتقى ەكونوميكالىق قىزمەتىنىڭ تاۋار نومەنكلاتۋرالىق كودى 1001 11؛ 1001 91) قوسپاعاندا، بيداي (ەۋرازيالىق ەكونوميكالىق وداقتىڭ سىرتقى ەكونوميكالىق قىزمەتىنىڭ تاۋار نومەنكلاتۋرالىق كودى 1001) يمپورتىنا قازاقستان رەسپۋبليكاسىنىڭ اۋماعىنا اۆتوموبيل كولىگىمەن التى ايعا تىيىم سالۋ ەنگىزىلسىن»، - دەپ جازىلعان بۇيرىقتا.
بۇيرىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قۇجات 5 ساۋىرگە دەيىن قوعامدىق تالقىلاۋعا شىعارىلدى.
ەسكە سالساق، رەسەي فەدەراسياسىنان اۆتوكولىكپەن بيداي اكەلۋگە تىيىم سالۋ تۋرالى ۇسىنىس 14 ناۋرىزدا ق ر ساۋدا جانە ينتەگراسيا ۆيسە-پرەمەرىنىڭ قاتىسۋىمەن وتكەن كەڭەستە ايتىلعان بولاتىن.