قتج مەن پوليسيا قىزمەتكەرىنەن قۇرالعان قىلمىستىق توپ ۇستالدى

كەلتىرىلگەن شىعىن 127 ميلليون تەڭگەدەن اسادى.

تەرگەۋ پىكىرىنشە، ۇرلانعان توسەمدەر، شپالدار، رەلستەر جانە باسقا دا تاۋارلار جارامسىز نەمەسە بەلگىلى ءبىر اقاۋلارى بار جول توسەمىنىڭ جوعارعى قۇرىلىمىنىڭ بولىكتەرىمەن اۋىستىرىلدى دەپ جالعان مالىمەتپەن ەسەپتەن شىعارىلعان، دەپ حابارلايدى Almaty-akshamy.kz باس كولىك پروكۋراتۋراسىنا سىلتەمە جاساپ.

باس كولىك پروكۋراتۋراسىنىڭ ۇيلەستىرۋى بويىنشا، كولىكتەگى دەپارتامەنتتىڭ ۇيىمداسقان قىلمىسقا قارسى كۇرەس باسقارماسى ەكى جىل بويى تەمىر جولداردىڭ جاعدايىن جاقسارتۋعا ارنالعان ماتەريالداردى ۇرلاۋمەن اينالىسقان قىلمىستىق توپتى اشكەرەلەدى.

"قىلمىستىق توپقا "قتج "ۇك" اق-ى قاراعاندى بولىمشەسىنىڭ قازىرگى جانە بۇرىنعى 17 جۇمىسشىسى تارتىلعان. ولارعا پوليسيا قىزمەتكەرى قامقورلىق جاساعان. الدىن الا ەسەپتەلگەن شىعىن 127 ميلليون تەڭگەدەن اسا سوماعا باعالاندى، بۇل 800 تونناعا جۋىق ماتەريالدار"، - دەلىنگەن حابارلامادا.

بۇگىندە ۇرلانعان تاۋارلاردىڭ كوپشىلىگىن ساتىپ الۋشىلارى مەن ورنالاسقان جەرلەرى، سونداي-اق ولاردى تاسىمالدايتىن جۇك كولىكتەرى انىقتالعانى ايتىلدى.

"سوتتىڭ سانكسياسى بويىنشا، جاڭاارقا جول ديستانسياسىنىڭ ۋچاسكە باستىعى جانە ونىڭ ورىنباسارى، سونداي-اق جەلىلىك پوليسيا بولىمشەسىنىڭ باستىعى تەرگەۋ يزولياتورىنا قامالدى. تەرگەۋ مۇددەسى ءۇشىن وزگە اقپارات قپك-نىڭ 201-بابىنىڭ سايكەس جاريالانبايدى"، - دەلىنگەن حابارلامادا.