الماتىلىق دەلەگاتتار قازاقستان حالقى اسسامبلەياسىنىڭ XXXII سەسسياسىنىڭ پانەلدىك پىكىرتالاستارىنا قاتىسۋ تۋرالى ءوز اسەرلەرىمەن ءبولىستى.
الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا بەيبىتشىلىك جانە كەلىسىم سارايىندا قازاقستان حالقى اسسامبلەياسىنىڭ XXXII سەسسياسىندا الماتى دەلەگاسياسىنىڭ وكىلدەرىمەن باسپا ءسوز كونفەرەنسياسى ءوتتى، دەپ حابارلايدى Almaty-akshamy.kz
ساپار تۋرالى ءوز اسەرلەرىمەن الماتى قالاسى قحا ورىنباسارى، الماتى قالاسىنداعى "قازاقستان ورىس مادەني ورتالىعى" قوعامدىق بىرلەستىگى فيليالىنىڭ ءتوراعاسى ۆسيەۆولود لۋكاشيەۆ ءبولىستى.
"32ء-شى سەسسيادا مەملەكەت باسشىسى ەلىمىزدىڭ بارلىق حالقىنا ۇندەۋ جاسادى. قازاق تىلىندە بەرىلەتىن ءبىلىمدى ارتتىرىپ، سونىمەن قاتار باسقا ەتنوستارعا ءوز داستۇرلەرىن، مادەنيەتى مەن تىلدەرىن دامىتۋعا مۇمكىندىك بەرەمىز. بۇل ۇندەۋدە ايتىلعان باستى تاقىرىپتاردىڭ ءبىرى"، - دەدى ۆسيەۆولود اناتوليەۆيچ.
پانەلدىك پىكىرتالاس جۇمىسىنا 1000-نان استام ادام قاتىستى: پرەزيدەنت اكىمشىلىگىنىڭ باسشىلىعى، ورتالىق جانە جەرگىلىكتى اتقارۋشى ورگانداردىڭ باسشىلارى، پارلامەنت دەپۋتاتتارى، قحا مۇشەلەرى، رەسپۋبليكالىق جانە وڭىرلىك ەتنومادەني بىرلەستىكتەردىڭ، ءدىني بىرلەستىكتەردىڭ ءتوراعالارى، ۇەۇ وكىلدەرى، عىلىمي، شىعارماشىلىق زيالى قاۋىم وكىلدەرى، قازاقستاندىق جانە شەتەلدىك ب ا ق.
الماتىلىق تاعى ءبىر دەلەگات الماتى ۇلتتىق كورەي ورتالىعى ءتوراعاسىنىڭ ورىنباسارى گەورگيي كان ەلىمىزدە وتكەن ءىرى وقيعا تۋرالى ءوز ويىمەن ءبولىستى.
"الماتى دەلەگاسياسى پىكىرتالاستى وتە بەلسەندى وتكىزدى. ءبىز ەكى كۇن جۇمىس ىستەدىك. ءبىرىنشى كۇنى قوعام مەن مەملەكەتتىك بيلىكتىڭ قاتىسۋىمەن پانەلدىك پىكىرتالاستار بولدى. ارينە، ەڭ باستى ءسات مەملەكەت باسشىسىنىڭ قازاقستان حالقى اسسامبلەياسىنىڭ ءتوراعاسى قاسىم-جومارت كەمەل ۇلى توقايەۆ ءسوز سويلەگەن كۇنى بولدى. باستى مەسسەدجدى كۇتتىك. ول اسسامبلەيانىڭ ەتنوسارالىق كەلىسىمدى ساقتاۋ جونىندەگى ءوز فۋنكسيالارى مەن ماقساتىن ورىنداۋىنا قاتىستى بولدى. باستى مەسسەدج وسى ترەندتەردى دامىتۋ تۋرالى. بىزگە باسقالاردىڭ اقپاراتتىق سوعىسى، قاتىناستاردى رەتتەۋدەگى يمپورتتىق مەحانيزمدەرى قاجەت ەمەس. بارلىق كونفليكتتەر كوبىندە ۇلتتىق مەنمەندىكتەن شىعاتىندىعى ناقتى ايتىلدى. بەرىلگەن تاپسىرمالاردى ورىنداۋ ءبىزدىڭ قۇلشىنىسىمىزدى ارتتىردى جانە ءبىز ونى كەز-كەلگەن ۋاقىتتا ورىنداۋعا دايىنبىز"، - دەپ ءبولىستى گەورگيي ۆاسيليەۆيچ.
جۋرناليستەردىڭ سۇراقتارىنا جاۋاپ بەرە وتىرىپ، ۆسيەۆولود لۋكاشيەۆ وتكەن جىلى قازاقستاندا ساياسي ترانسفورماسيا بولعانىن حابارلادى.
"ءقازىر بىزدە قازاقستان حالقى اسسامبلەياسىنان سەناتتا 5 دەپۋتات بار، سونداي-اق مەملەكەتتىك قۇرىلىمنىڭ جاڭا مودەلىن قۇرۋدا تۇبەگەيلى وزگەرىستەر بولدى. اۋقىمدى قايتا قۇرۋ بارىسىندا قحا، ەتنوستارعا ەرەكشە كوڭىل ءبولىندى. بۇگىندە ەتنوستار ەل ومىرىنە جانە مەملەكەتتىڭ ستراتەگيالىق مىندەتتەرىن ىسكە اسىرۋعا بەلسەنە قاتىسا الادى. قاسىم-جومارت كەمەل ۇلى قازاقستاندا جاڭا جالپىۇلتتىق بىرەگەيلىك قالىپتاسقانىن مالىمدەدى. قازاقستاننىڭ تۋى بارلىق ەتنوستاردى بىرىكتىرەدى، ال رامىزدەر ولاردى ءبىرتۇتاس حالىققا اينالدىرادى"،- دەپ جالعاستىردى ۆ. لۋكاشيەۆ.
الماتى دەلەگاتتارى پىكىرتالاستار مەن تالقىلاۋلارعا بەلسەنە قاتىستى، وندا بالالاردىڭ رۋحاني-ادامگەرشىلىك، جالپىادامزاتتىق جانە ازاماتتىق قۇندىلىقتاردى قالىپتاستىرۋدىڭ، تولەرانتتىلىقتىڭ جوعارى مادەنيەتىن تاربيەلەۋدىڭ، تۇلعاارالىق جانە ەتنوسارالىق قارىم-قاتىناستىڭ، ءپاتريوتيزمنىڭ، سونداي-اق بالالاردىڭ الەۋمەتتىك ءوزارا ءىس-قيمىلعا جانە وڭ ەتنوسارالىق كوممۋنيكاسيالارعا جەكە، ەرىكتى، فيزيكالىق جانە زياتكەرلىك دايىندىعىنىڭ وزەكتى ماسەلەلەرى كوتەرىلدى.