قابىلدانعان قارۋدىڭ جالپى قۇنى 64 ملن تەڭگەگە جۋىقتايدى.
ەلىمىزدە زاڭسىز ساقتالعان 951 قارۋ جانە 13 مىڭنان استام ءوق-دارى ىشكى ىستەر مينيسترلىگىنە تاپسىرىلدى، دەپ حابارلايدى Almaty-akshamy.kz 24.kz-كە سىلتەمە جاساپ.
10 ساۋىردە باستالعان اكسياعا رەسپۋبليكالىق بيۋدجەتتەن 88 ملن تەڭگە بولىنگەن. ءوز ەركىمەن قارۋ تاپسىرۋ بويىنشا تۇركىستان، قىزىلوردا جانە جامبىل وبلىستارى كوش باسىندا. ال تاريحي قۇندىلىعى بار قارۋلار كريميناليستيكالىق بولىمدەردىڭ زاتتاي كوللەكسياسىنا نەمەسە ىشكى ىستەر مينيسترلىگىنىڭ مۇراجايلارىنا بەرىلۋى مۇمكىن.
«مىسالى، اتىراۋ قالاسىنىڭ تۇرعىنى ەرىكتى تۇردە "Mauser C96" 1896 جىلى گەرمانيادا شىعارىلعان نەمىس پيستولەتىن تاپسىرعان. ول گەرمانيا، رەسەي يمپەرياسىندا، كسرو جانە جۇڭگو قارۋ-جاراعىندا، ەكىنشى اعىلشىن-بۋرسكيي، جاپون-قىتاي، ءبىرىنشى جانە ەكىنشى دۇنيەجۇزىلىك سوعىستا قولدانىلعان. ونى مال باعىپ جۇرگەندە قۇمنىڭ اراسىندا يساتاي اۋدانىندا تاۋىپ العان»، - دەدى ق ر ءىىم اپك قارۋ اينالىمىن باقىلاۋ ءبولىمىنىڭ باستىعى اسىلبەك ىدىرىسوۆ.
.