ەلىمىزدە وتكەن جىلى ءسۇت ءوندىرىسى تومەندەدى

سارى ماي، ىرىمشىك، سۇزبە، اشىتىلعان ءسۇت تاعامدارى الدىڭعى جىلعا قاراعاندا از شىعارىلعان.

اۋىل شارۋاشىلىعى ءمينيسترى ەربول قاراشوكەيەۆ بۇل ماسەلەنى شيكىزات ءوندىرىسىنىڭ ناشار دامۋىمەن بايلانىستىردى. مينيستر وڭىرلەردە ءىرى ءتاۋارلىق-سۇت فەرمالارىنىڭ قۇرىلىسى جەڭىلدىكپەن قارجىلاندىرىلا باستاعانىن ايتتى، دەپ حابارلايدى Almaty-akshamy.kz 24.kz-كە سىلتەمە جاساپ. 

بيىل وسىنداي 65 فەرما اشۋ ءۇشىن 100 ملرد تەڭگە قاراستىرىلعان. وندا جىلىنا 373 مىڭ توننا ءسۇت وندىرىلمەك. ناتيجەسىندە وتاندىق ءسۇت زاۋىتتارى ساپالى شيكىزاتپەن قامتىلىپ، يمپورتقا تاۋەلدىلىك ازايادى. سونداي-اق، اۋىل شارۋاشىلىعى ءمينيسترى كەلەر جىلى تاعى 50 ءتاۋارلى-سۇت فەرماسىن سالۋ ءۇشىن 113 ملرد تەڭگە قاراجات قاجەت ەتىلەتىنىن جەتكىزدى. جالپى، بىلتىر ەلدە 2،9 ترلن تەڭگەنىڭ ازىق-تۇلىك ءونىمى وندىرىلگەن. وسىمدىك مايى، ۇن، ماكارون، شۇجىق ونىمدەرى مەن قانت ءوندىرىسىنىڭ كولەمى ارتقان.

«قازاقستاندا نەگىزى 6 تاۋار جونىندە ءوز-وزىمىزدى قامتاماسىز ەتە الماي جاتىرق. تاۋەلسىزدىگىمىز جوق ونىڭ ىشىندە قۇس ەتى، ءسۇت ونىمدەرى ، بالىق ونىمدەرى بار، سونىڭ بارىنە بىزدە ناقتى جوسپارلارىمىز بار وزىمىزدە. الداعى 3-4 جىلدىڭ ىشىندە وسى تاۋارلار بويىنشا ءوز-وزىمىزدى قامتاماسىز ەتۋگە جوسپارىمىز بار»، - دەدى ق ر اۋىل شارۋاشىلىعى ءمينيسترى ەربول قاراشوكەيەۆ.