قازىناعا قول سالعان اكىمدەر جاۋاپكەرشىلىككە تارتىلدى

الماتى وبلىسىندا 20 اكىم بيۋدجەت قاراجاتىن جىمقىرعانى ءۇشىن جاۋاپكەرشىلىككە تارتىلدى

الماتى وبلىسىندا مەملەكەتتىڭ اقشاسىن قولدى قىلعان 20 اكىم (وبلىستىق – 6، قالالىق – 4، اۋداندىق – 9، اۋىلدىق –1) جاۋاپكەرشىلىككە تارتىلدى. بۇل تۋرالى سىبايلاس جەمقورلىققا قارسى قىزمەتتىڭ الماتى وبلىسى بويىنشا دەپارتامەنتىنىڭ باسشىسى ەرنار ماقاجانوۆ ءوزىنىڭ Facebook جەلىسىندەگى پاراقشاسىندا حابارلادى.

«وبلىس بويىنشا دەپارتامەنتتىڭ بيىلعى 9 ايدا اتقارعان جۇمىسىنىڭ ناتيجەسى بويىنشا 87 قىلمىستىق قۇقىق بۇزۋشىلىق تىركەلدى، ونىڭ 72،4%-دان استامى نەمەسە 63 قىلمىس سىبايلاس جەمقورلىق فاكتىسىنە جاتقىزىلدى. 70 ادام سوتتالدى، ونىڭ ىشىندە 65 ادام 119 ملن تەڭگەدەن استام سوماعا ايىپپۇلعا، 2 ادام باس بوستاندىعىن شەكتەۋگە، 3 ادام باس بوستاندىعىنان ايىرۋعا، مۇلكى تاركىلەنىپ جانە مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرا ايىرىلدى. قىلمىستىق ىستەر بويىنشا كەلتىرىلگەن زالال سوماسى 3،8 ملرد تەڭگەنى (3 850 843 791 تەڭگە)، ونىڭ 97،2%-ى نەمەسە 3،7 ملرد تەڭگەسى (3 742 332 191 تەڭگە) وتەلدى»، ˗ دەيدى دەپارتامەنت باسشىسى.