كەشەگى جامبىل وبلىسىنداعى قاسىرەت، ەلدەگى پاندەميا، ونىڭ ۇستىنە، بيىل "الىپپەنى" قايتارىپ جاتىرمىز، ەل ىشىندە قىم-قيعاش وسىنداي وقيعالار وتۋدە. سوندىقتان بۇل جولداۋ دەر كەزىندە جولداندى دەپ سانايمىن. سەبەبى حالىقتىڭ ساناسىنداعى كوپتەگەن سۇراقتارعا اشىق جاۋاپ بەرە الدى. پرەزيدەنتتىڭ بۇگىنگى جولداۋىن حالىق كۇتتى. جولداۋدى تولىقتاي قولدايمىن. حالىقتىڭ تاعدىرىنا بەيجاي قاراي المايتىندىقتان، پرەزيدەنتتىڭ ءار ءىسىن، جولداۋلارىن ءجىتى باقىلاپ وتىرامىن. ەڭ باستىسى، مەملەكەت باسشىسىنىڭ «مەن ءاربىر ايتقان سوزىمە جاۋاپ بەرەمىن جانە ول ورىندالاتىن بولادى» دەپ اشىق ايتقانى ۇنادى ءارى كوڭىلىم ءسال دە بولسا كوتەرىلىپ قالدى.
حالىقتىڭ كوكەيىندەگى ءتۇرلى سۇراققا ءار مينيسترلىك سالا-سالا بويىنشا جاۋاپ بەرۋ كەرەك. ءوز انا تىلىمىزدە، كەشەگى اباي مەن مۇحتاردىڭ تىلىندە ءتۇسىندىرۋ كەرەك. بۇگىنگى جولداۋدى ءالى دە استىن سىزىپ تۇرىپ وقيمىز، تالدايمىز. ەگەر سۇراق تۋىنداپ جاتسا، الەۋمەتتىك جەلىدە جازامىز.