ءال-فارابي اتىنداعى قازاق ۇلتتىق ۋنيۆەرسيتەتىنىڭ عالىمدارى ۆاكۋۋمدىق سىناما الۋ قوندىرعىسىن قۇراستىرىپ شىعاردى. قۇرىلعى سۋ ۇلگىلەرىن الۋعا جانە سۋداعى ورگانيكالىق لاستاعىشتاردى انىقتاۋعا ارنالعان، دەپ حابارلايدى almaty-akshamy.kz ءال-فارابي اتىنداعى قازۇۋ-دىڭ باسپا ءسوز قىزمەتىنە سىلتەمە جاساپ.
«قازاقستاندا بۇل العاش رەت. اتالعان قوندىرعى 300-گە جۋىق سىناما الۋعا مۇمكىندىك بەرەدى. گەرمانيا، اقش جانە باسقا مەملەكەتتەردە بۇل قوندىرعىنىڭ انالوگتارى بار. ءبىراق ولار ەلەكتر توگى ارقىلى جۇمىس ىستەيدى. ال ءبىزدىڭ ءونىم ەنەرگيا قۋاتىنسىز جانە تابيعي ايماقتارعا قاراماستان، جۇمىس ىستەي بەرەدى. بۇل سۋ سىنامالارىن الۋ جۇمىسىن الدەقايدا جەڭىلدەتەدى»، – دەدى قازۇۋ عالىمى.
اتالعان قوندىرعىنى وقۋ ورداسىنىڭ عالىمدارى سىردارياداعى سۋ ساپاسىن زەرتتەۋگە جانە انىقتاۋ جۇمىستارىنا قولدانعان. ناتيجەسىندە وزەن سۋىنىڭ قۇرامىنان حلورورگانيكالىق پەستيسيدتەر، فۋنگيسيدتەر جانە گەربيسيدتەر انىقتالعان.
بۇگىنگى تاڭدا يننوۆاسيالىق جوباعا پاتەنت الۋ جۇمىستارى ءجۇرىپ جاتىر. سىناما الۋدىڭ ءپروتوتيپى اقش-تا سىنالۋدا. تەستىلەۋدەن ءساتتى وتكەننەن كەيىن ۋنيۆەرسيتەت عالىمدارى جوبانى كوممەرسيالاندىرۋ ماقساتىندا قوندىرعىنى نارىققا شىعارۋدى كوزدەپ وتىر.