2021 جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ باسقارما توراعاسى-رەكتورى جانسەيىت تۇيمەبايەۆتىڭ باستاماسىمەن قالاشىقتا «اعاشتار اللەياسى» اشىلعان بولاتىن. سونداي-اق «جاستار ساياباعى» جانە «عالىمدار باعى» بوي كوتەرىپ، ءتۇرلى جەمىس اعاشتارى وتىرعىزىلدى.
ناتيجەسىندە بۇگىنگى تاڭدا 400-دەن استام الما اعاشى، 50-گە جۋىق شيە اعاشى، 30 ورىك اعاشى، 20 الحورى، المۇرت جانە باسقا اعاشتار تۇيىندەپ، جەمىس سالا باستادى.
سونداي-اق ءتورت جىل بۇرىن ەگىلگەن ساكۋرا اعاشى بيىل العاش رەت گۇل اشىپ، قازۇۋ-لىقتاردى قۋانتىپ وتىر.
بۇدان بولەك، 15 مىڭعا جۋىق جازدىق گۇلدەر ەگىلىپ، كوپشىلىك كوزايىمىنا اينالدى.
ءال-فارابي اتىنداعى قازۇۋ-دىڭ باسپا ءسوز قىزمەتى