الماتىداعى دەمالىس كۇندەرىندەگى جارمەڭكەلەردى ۇيىمداستىرۋشى «الماتى» اكك اق قالانىڭ الاتاۋ اۋدانىندا اۋىل شارۋاشىلىعى جارمەڭكەسىن وتكىزەدى، دەپ حابارلايدى aqshamnews.kz
17-18 مامىردا جارمەڭكە پيلوتتىق فورماتتا وتەدى، بۇل جەرگىلىكتى شارۋالارعا ءوز ونىمدەرىن، ونىڭ ىشىندە الەۋمەتتىك ماڭىزى بار ازىق-تۇلىك ونىمدەرىن ساتۋعا، ال تۇرعىندارعا ولاردى قولجەتىمدى باعامەن ساتىپ الۋعا مۇمكىندىك بەرەدى.
«مادەنيەت» تۇرعىن ءۇي كەشەنىنىڭ اۋماعىندا جەتى ساۋدا پاۆيلونى ورناتىلىپ، وندا جىلقى، سيىر، قوي جانە قۇس ەتى، ءسۇت ونىمدەرى، جۇمىرتقا، كوكونىستەر مەن جەمىستەر، سونداي-اق جاڭا پىسكەن نان ونىمدەرى قويىلادى.
تۇرعىندار اراسىندا سۇرانىس بولسا، الاتاۋ وڭىرىندەگى جارمەڭكە ساۋدا ورىندارى مەن ساتۋشىلار كوبەيىپ، اپتا سايىن وتكىزىلەتىن بولادى.
قازىرگى ۋاقىتتا مەگاپوليستە دەمالىس كۇندەرى جارمەڭكەلەر قالانىڭ كەلەسى اۋداندارىندا تۇراقتى تۇردە وتكىزىلەدى:
• المالى اۋدانى - ماسانچي كوشەسى (ايتەكە بي كوشەسى مەن گوگول كوشەسىنىڭ اراسى)؛
• اۋەزوۆ اۋدانى – وتەگەن باتىر كوشەسى (اباي داڭعىلىنىڭ تومەنگى جاعىندا)
• بوستاندىق اۋدانى – «قازاقفيلم» شاعىن اۋدانى (ءال-فارابي داڭعىلىنىڭ ۇستىندە)؛
• مەدەۋ اۋدانى – مەڭدىقۇلوۆا بۋلۆارى – بەكتۇروۆا كوشەسى.
جارمەڭكەلەرگە اپتا سايىن 45 000-نان استام كەلۋشىلەر كەلەدى. ونىمدەردى الماتى قالاسى مەن الماتى وبلىسىنىڭ 300-دەن استام اۋىل شارۋاشىلىعى تاۋار وندىرۋشىلەرى مەن فەرمەرلەرى ۇسىنادى.
ساتىلىمدا ەت، جۇمىرتقا، كوكونىس، جەمىس-جيدەك، ءسۇت ونىمدەرى، شۇجىق، بال جانە باسقا دا تاۋارلار بار. سورەلەردە 1000-نان استام ازىق-تۇلىك تاۋارلارى ۇسىنىلعان.
باعانى تۇراقتاندىرۋ جونىندەگى شارالار شەڭبەرىندە جارمەڭكەلەردە الەۋمەتتىك ماڭىزى بار ونىمدەر نارىقتىق قۇننان 15-20% - عا تومەن ساتىلادى